Бэйдиэ сылдьар 4144 ыт тутуллубут

Тустаах сокуон киириэҕиттэн, Дьокуускай куорат уулуссаларыгар бэйдиэ сылдьар ыттар ахсааннара аҕыйаабыт курдук. Дьэ, бэйдиэ сылдьар ыттары кытта үлэ хайдах ыытылларый?

СӨ Бырабыыталыстыбатын 2024 сыл түмүгүнэн отчуотугар этиллэринэн, өрөспүүбүлүкэ үрдүнэн бэйдиэ сылдьар ыттары быстах кэмҥэ тутар пууннарга уонна приюттарга барыта 4144 ыт тутуллан, киирбит. Ол иһигэр: 1069 тыһы ыты стерилизация ньыматынан эпэрээссийэлээбиттэр, 1430 атыыр  ыты аттаабыттар. 3293 ыты маркировкалаабыттар, 2999 ыкка вакцина биэрбиттэр.

Барыта 1747 ыты төттөрү ыыппыттар, 344 ыты хаһаайыттарыгар төннөрбүттэр. 1195 ыкка саҥа хаһаайыны булан биэрбиттэр.