Бэйдиэ сылдьар ыттары аттаан, чииптээн баран төттөрү ыытыахтара

Судаарыстыбаннай дуумаҕа бэйдиэ сылдьар ыттар айдааннаах кыһалҕаларын быһааран тураллар. Эрэгийиэннэр бэйдиэ сылдьар ыттарын дьылҕатын бэйэлэрэ быһаарар буолуохтара дуо диэн ыйытыы үгүс киһини долгуппута. Ол эрээри бу боппуруоһу көрүүгэ эрэгийиэннэргэ ыттар дьылҕаларын бэйэлэрэ дьаһайар боломуочуйаны маннык биэрбиттэрэ.

Ханнык да түгэҥҥэ түөрт атахтаах доҕоттору утутар табыллыбат. Ыты иитэр приюттары тутуу, аттааһын уонна чииптээһин оннунан хаалар.  Оттон дьоҥҥо саба түспүт ыттары үйэ саас тухары приютка тутар туһунан быһаарбыттара. Судаарыстыбаннай дуума дьокутаата Галина Данчикова бэйдиэ сылдьар ыттар кыһалҕаларыгар  сыһыаннаан, ыты иитэр хаһаайыттарга эппиэтинэһи улаатыннарар уонна ирдэбили күүһүрдэр уон этиини парламентарийга киллэрбит.

Олорон истэххэ көрүөхпүт, ыт кырата сылга иккитэ төрүүр. Бытарҕан тымныылаах кыһыҥҥа приюттары тутуу Саха сиригэр үгүс үбү-харчыны эрэйэр. Аны кэлэр күһүн бэйдиэ сылдьар хаһаайыннаах, хаһаайына суох ыттар оҕолорго, дьоҥҥо-сэргэҕэ саба түһүүлэрэ тохтуур ини диэн эрэниэҕиҥ. Билигин сайын буолан ыт аҕыйах. Үгүстэр даачаҕа быстах кэмҥэ харабылга, сорохтор тыанан-толоонунан сылдьаллар. Кэлэр күһүн үгүс дьон даачаттан куоракка киириэҕэ, эмиэ бэйдиэ сылдьар ыт ахсаана элбиэҕэ…