Бэйдиэ сылдьар ыттары хонтуруоллууллар

Сэтинньи 23-29 күннэригэр СӨ Бэтэринээрийэ департаменын иниспиэктэрдэрэ олохтоох дьаһалта, полиция үлэһиттэрин кытта ыттаах ыалларынан рейдэлэргэ сырыттылар.

Маннык рейдэлэр Кэбээйи, Амма, Томпо, Орто Халыма, Горнай, Өлүөхүмэ уонна Дьокуускай куорат уокуруктарынан ыытылыннылар. Уопсайа 19 рейдэҕэ сырыттылар.

Нэдиэлэ устата иниспиэктэрдэр сэттэ боротокуолу оҥорбуттар. Ону таһынан быраабы кэһии иһин уопсайа 17500 солкуобайга ыстарааптаатылар. Ыттаах түөрт хаһаайыҥҥа сэрэтии оҥоһуллубут. Сэрэтии сүрүн биричиинэтинэн ыты көҥүл босхо ыытыы буолар.