Бэйдиэ сылдьар ыттары тутуу үлэтэ салҕанар

Дьокуускайга саас, күһүн бэйдиэ сылдьар ыт кыһалҕата атын кыһалҕалары тэҥҥэ күөрэйэр.

Олунньу 26 күнүттэн кулун тутар 3 күнүгэр диэри Автодорожнай уулуссаҕа уопсайа 5 ыты тутан приютка илдьибиттэр. Сыл саҕаланыаҕыттан уопсайа  78 ыты туппуттар. Бэлиэтээн суруйдахха, Автодорожнай уокурукка чааһынай дьиэлэр элбэхтэр. Бу уокурукка күһүн даача сезона бүтүүтэ бэйдиэ сылдьар ыт ахсаана эмискэ элбээччи.

Ыттаах хаһаайыттарга миэрэ кытаатан турар, СӨ бэтэринээрийэҕэ департаменын иниспиэктэрдэрэ сэрэтэр рейдэлэргэ өрүү сылдьаллар. Ол эрээри, бу үлэ хайысхатыгар доҕолоҥнооһун баарын туһунан социальнай ситимнэргэ дьон үгүстүк суруйар. Билиҥҥи туругунан «Помоги выжить» приютка 1000 кэриҥэ ыт баар.