Бэйдиэ сылдьар ыт кыһалҕата билигин да дьону долгутар. Ол курдук, бу дьыл алтынньы ыйыттан өрөспүүбүлүкэбитигэр бэйдиэ сылдьар хаһаайына суох ыттары тутууга пилотнай бырайыак оҥоһуллуоҕа.
Саха сирин бэтэринэриийэтин департамена ыты тутар, ыраастыыр, вакциналыыр уонна көҥүл ыытар үлэни судургутутар соругу туруорда. Бэҕэһээ, балаҕан ыйын 20 күнүгэр, бэтэринэриийэ департаменын иниспиэктэрдэрэ автоматизированнай үлэ ситимигэр анал үөрэҕи аастылар. Ол курдук, бу бырагыраамаҕа судаарыстыбаннай иниспиэктэрдэр, олохтоох бэйэни салайыныы исписэлиистэрэ уонна ыты тутар пуун үлэһиттэрэ үлэлиэхтэрэ. Урукку өттүгэр бэйдиэ сылдьар ыт ахсаанын учуоттуур үлэ сурунаал, анал карточка нөҥүө барыта оҥоһуллар эбит буоллаҕына, алтынньыттан барыта электроннай көрүҥҥэ көһүөҕэ. Бырагыраама бэйдиэ сылдьар хаһаайына суох ыттарга сыһыаннаах бары үлэни, тэрээһини бу нөҥүө хонтуруоллуур буолуоҕа. Бырагырааманы олоххо киллэрии сүрүн биричиинэтинэн, үлэни судургутутуу буолар. Бэйдиэ сылдьар ыты туттараары аны дьон сайаапканы төлөпүөнүнэн эрэ буолбакка, анал мобильнай сыһыарыы нөҥүө түһэрэр буолуохтара. Бу мобильнай сыһыарыыга бэйдиэ сылдьар ыты хаартыскаҕа түһэрэн ыытыахха сөп. Ону сэргэ, сайаапка ханна тиийбитин анал сыһыарыы нөҥүө кэтээн көрүөххэ сөп буолар.
«Бэйдиэ сылдьар ыттарга киирбит сайаапкалары толоруу иһин олохтоох бэйэни салайыныы уорганнара эппиэтинэһи сүгүөхтэрэ”, — диэн бэлиэтиир СӨ бэтэринэриийэ департаменын салайааччыта Петр Петров.
Балаҕан ыйын 21-22 күннэригэр маннык анал үөрэҕи олохтоох бэйэни салайыныы исписэлиистэрэ ааһыахтара. Бэлиэтээн эттэххэ, судургу автоматизированнай ситим Томскай, Магадан уобаластарыгар, ону сэргэ Хакасия, Мордовия өрөспүүбүлүкэлэригэр уонна Приморскай кыраайга ситиһиилээхтик үлэлиир.
Бэйдиэ ыттары хонтуруоллуур анал сыһыарыыны «Агросервис” тэрилтэ оҥорбут. «REGAGRO – поиск животного» сыһыарыыны төлөпүөҥҥэ хачайдыахха сөп. Бу сыһыарыы алтынньыттан үлэлиэҕэ.
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…