Бэйдиэ сылдьар ыты көрдөххүнэ эрий!

Саас буолан бэйдиэ сылдьар ыт ахсаана куорат кытыы уулуссаларыгар эмиэ элбээбит. Хаһаайына суох сылдьар ыты тутан приютка илдьэллэр. Хаһаайын ытын төттөрү ылыан баҕарар буоллаҕына, приютка хас хонук турбутунан хонугун, аһылыгын уонна аттаммыт буоллаҕына, ол өҥөтүн толору төлүүр.

Кулун тутар 31 күнүттэн муус устар 7  күнүгэр диэри Дьокуускай куорат Автодорожнай уокуругар уопсайа 11  бэйдиэ сылдьар ыты туттулар. Сыл саҕаланыаҕыттан бу уокурукка  98 ыты туппуттар.

Билигин СӨ Бэтэринээрийэҕэ департаменын иниспиэктэрдэрэ уонна полиция үлэһиттэрэ сэрэтэр рейдэлэри оҥороллор. Быраабыланы кэһии иһин, ол эбэтэр хаһаайыннаах ыт көҥүл сылдьар түгэнигэр СӨ административнай быраабы кэһии кодексатын 5.4 ыст. уонна 8.52 ыст. дьиэ кыылын көрүүгэ-истиигэ ирдэбили тутуспат буолуу иһин эппиэтинэскэ тардыллар.

Бэйдиэ сылдьар ыты көрдөххүнэ бу нүөмэрдэргэ эрийэн сайаапката түһэр.

Биир кэлим диспиэччэрскэй сулууспа: 44-42-51, 44-42-29

Ыты тутар сулууспа: 8914 301-65-54