Ульяна Захарова хаартыскаҕа түһэриитэ
«Бэйдиэ ыт кыһалҕатын эрэгийиэн бэйэтэ быһаарыахтаах. Бу ааспыт кыһын туһунан этэр буоллахха, бэйдиэ ыттары тутар сулууспалар бэркэ үлэлээтилэр, ол эрээри эппиэтинэһэ суох хаһаайыттартан бэйдиэ сылдьар ыт ахсаана аччаабат», — диэн бүгүн, муус устар 26 күнүгэр Ил Дархан Айсен Николаев быһа эпииргэ иһитиннэрдэ.
— Бастатан туран оҕо-аймах, дьон-сэргэ доруобуйата уонна кинилэр олохторо инники күөҥҥэ тутуллуохтаах. Биһиги тыйыс усулуобуйалаах эрэгийиэммитигэр бэйдиэ сылдьар ыттары иитэр, тутар питомниктары көрүү-истии элбэх үбү-харчыны эрэйэр. Ону таһынан, Дьокуускайга, Жатайга ыттар дьоҥҥо, оҕолорго саба түһүүлэрэ хаста даҕаны бэлиэтэннэ. Бэлиэтээн эттэххэ, ити чииптэммит, ыраастаммыт ыттар буолаллар. Онон тутуу, аттааһын уонна көҥүл ыытыы ыты киһини ытырбат оҥорон кэбиспэт. Сокуон биһиги өрөспүбүлүкэбитигэр сөп түбэспэт. Маны сэргэ, ыты быстах кэмҥэ тутар пууҥҥа бүрүсүлүөскэ уорбаланар ыттары хаттаан анаалыстыахха наада. Быйыл кыһын бэйдиэ ыттары тутар сулууспа бэркэ үлэлээтэ диэн этиэм этэ, ол эрээри син биир хаһаайыннаах, бэйдиэ сылдьар ыттар оҕолорго, дьоҥҥо саба түһэллэр. Эппиэтинэһэ суох хаһаайыттартан ыт ахсаана күн ахсын элбии турар. Онон сокуоҥҥа тирэҕирэн, кыылга амарах сыһыаны олохтуур туһуттан эрэгийиэн бу кыһалҕаны бэйэтэ быһаарыахтаах, — диэн Ил Дархан эттэ.
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…