Бэйэ дьарыктаах дьон ахсаана икки төгүл элбээтэ

Бэйэ дьарыктаах дьон ахсаана икки төгүл элбээтэ. Сүрүннээн өрөмүөҥҥэ, массыынаны оҥорорго, таһаҕаһы, дьону тиэйиигэ уонна оҥорон таһаарыыга атыы-эргиэн, тыа хаһаайыстыбатын сайыннарыы курдук хайысхаларга үлэлииллэр.

2022 сыл бүтүүтэ Саха сиригэр 29,8 тыһыынча бэйэ дьарыктаах дьон баар. 2020 сыллаахха ахсааннара 4,9 тыһыынча, 2021 сыллаахха 16 тыһыынча киһи этэ.

Саха сиригэр 2021 сылтан бэйэ дьарыктаах дьону өйүүр бырагыраама үлэлиир. Урут урбаанньыттар, тэрилтэлэрэ эрэ ылар көмө миэрэлэрин кинилэр ылар кыахтаахтар. “Мой бизнес” киин нөҥүө сүбэ-ама ылаллар, үөрэнэллэр, үп-харчы өттүнэн көмөнү туталлар.

Бэйэ дьарыктаах дьоҥҥо Урбааны сайыннарыы пуондата чэпчэтиилээх иэс биэрэр. 30 тыһыынча солкуобайтан 1 мөлүйүөҥҥэ диэри 4-8%-наах кирэдьиити ылан, биисинэстэрин сайыннарыахтарын сөп. Туох да мэктиэтэ (солуога) суох буоллахтарына, 8%-наах буолар. Сүрүннээн 4%-нааҕы ылаллар.

“Мой бизнес” киин өҥөтүнэн 2022 сылга 3 тыһынчаттан тахса бэйэ дьарыктаах дьон туһаммыт. 150 киһиэхэ биисинэс-былаан оҥорорго, реклама таһаарарга, быыстапка-дьаарбаҥкаларга кыттарга, о.д.а. көмө оҥоһуллубут.

Сиһилии Мойбизнес14.рф саайтка билсиэххэ сөп.

СӨ бырабыыталыстыбатын, Ил Дарханын пресс-сулууспата.