Бэйэ дьарыктаах дьон «больничнайга» барар бырааптаныахтара

2026 сыл тохсунньу 1 күнүттэн Арассыыйаҕа үс сыллаах эксперимент саҕаланыаҕа, ол түмүгэр бэйэ дьарыктаах дьон ыарыйдахтарына булгуччулаах социальнай страховкаҕа бэйэлэрин баҕаларынан киириэхтэрин сөп. Бу туһунан Госдуума Доруобуйа харыстабылын кэмитиэтин чилиэнэ Юлия Дрожжина иһитиннэрдэ.

Эксперимент 2028 сыл бүтүөр диэри барыаҕа. Страховкаланыан баҕалаахтар страховкалыыр территориальнай уорганнарга 2027 сыл балаҕан ыйын 30 күнүгэр диэри сайабылыанньа биэриэхтэрин сөп. Страховка төлөбүрүн кээмэйин – 35 эбэтэр 50 тыһыынча солкуобайы бэйэлэрэ талыахтара. Бу сууматтан кинилэр ыйдааҕы төлөбүрдэрэ олохтонуо.

Бэйэ дьарыктаах киһи алта ый төлөбүрүн оҥордоҕуна эрэ «больничнай» ааҕыллан барыа. Усулуобуйатын уларытыы халандаарынай сыл устатыгар биирдэ эрэ уларыйыан сөп.

Билиҥҥитэ бэйэ дьарыктаах дьон официальнай үлэлэрэ суох уонна ыарыйдахтарына социальнай страховка систиэмэтэ кинилэри хааччыйар кыаҕа суох. Саҥа мэхэньиисим бэйэ дьарыктаах дьоҥҥо доруобуйаларын туругунан быстах кэмҥэ үлэлээбэт кэмнэригэр старховканан хааччыйар кыаҕы биэриэҕэ.