Елена Потоцкая хаартыскаҕа түһэриитэ.
Саха сирин олохтоохторо бэйэ дьыалатын арыналларыгар 450 тыһыынча солкуобайга диэри көмөнү ылыахтарын сөп. Онно биисинэс-былаан сурунуохтарын уонна кэккэ киритиэрийдэригэр эппиэттэһиэххэ наада. Бу туһунан Дьарыктаах буолуу судаарыстыбаннай кэмитиэтин бэрэссэдээтэлэ Елена Калашникова иһитиннэрдэ.
— Бэйэ дьыалатын арынарга Дьарыктаах буолуу судаарыстыбаннай кэмитиэтигэр биирдэ бэриллэр үбүнэн көмөҕө сайабылыанньа суруллуохтаах, биисинэс-былаан оҥоһуллуохтаах. Бу хайысханан 150 тыһыынча солкуобайы биэрэллэр. Ордук үлэтэ суох, алта ыйы быһа учуокка турар дьоҥҥо, инбэлииттэргэ, элбэх оҕолоох аҥаардас төрөппүттэргэ, инбэлиит оҕону иитэр төрөппүттэргэ, биэнсийэҕэ тахсыах иннинээҕи саастаах дьоҥҥо бэриллиэҕэ, — диэн кини эттэ.
Маны тэҥэ, үлэ, социальнай сайдыы министиэристибэтин хайысхатынан социальнай хантараак быһыытынан эбии 300 тыһыынчаны ылыахха сөп. Быйыл 280 киһи бу өҥөнөн туһаммыт диэн СИА суруйар.
— Бүгүҥҥү күҥҥэ биһиэхэ бэйэ дьарыктаах 250-тан тахса киһи көмөнү ылан, араас бытовой өҥөнү оҥоруу эйгэтигэр үлэлии сылдьаллар. Холобур, дьахталлар сыбаарсык идэтигэр үөрэнэн, үчүгэйдик үлэлии сылдьаллар. Онон биисинэс-былааны үчүгэйдик оҥоруохха наада, — диэн Елена Калашникова эттэ.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…