Киин куорат Хомсомуол болуоссатыгар Арассыыйа урбаанньыттарын күнүн чэрчитинэн ыытыллыбыт үс күннээх «Якутск купеческий» пуорум-дьаарбаҥка буолан ааста.
Тэрээһиҥҥэ олохтоох бородууксуйаны оҥорон таһаарааччылар саха таҥаһыттан саҕалаан, араас мас оҥоһук, үүнээйи, оҕуруот аһын арассаадатыгар тиийэ быыстапка-дьаарбаҥкаҕа кыттыыны ыллылар.
Биэс шатер-балааккаҕа бары батан, араас тэрилтэлэр, улуустартан кэлбит олохтоох маастардар бэйэлэрин бородууксуйаларын атыылаатылар.
Төһө да үһүс күнүн ыытылыннар, быыстапка кыттааччыта да, көрөөччүтэ да элбэх.
Атыы-тутуу көхтөөхтүк барда. Араас улуустартан кэлбит дьон бэркэ астынан тарҕастылар.
Амма Абаҕатыттан төрүттээх аатырбыт Александр Попов-Лаачаан Уус 19 лиитэрэлээх иһэр уу бытыылкатыттан оҥорбут оҥоһуктара үгүс киһи болҕомтотун тартылар.
Уу иһититтэн туох оҥоһук суоҕуй диэх курдук: мас кыстыыр суумка, бөх тоҕор көлүөһэлээх дьиэтээҕи «тэлиэгэ», сир астыыр иһит…
Көрөн турдахпытына, Лаачаан табаара үксэ атыыга хамаҕатык барда. Саха сатаабатаҕа суох диэн итини этэн эрдэхтэрэ.
Александр Иванович тэрээһини олус астыммыт. «Миигин бу быыстапкаҕа кыттарбар анаан ыҥырбыттара. Онон араас оҥоһугу оҥорон таһаарар киһи бэйэтин үлэлэрин дьоҥҥо киэҥник тарҕатар, көрдөрөр биирдиилээн маастардары бииргэ түмэр маннык тэрээһин олус наада», — диэн бэлиэтиир Лаачаан Уус.
Ити курдук, өрөбүл күннэрин бэйэ дьыалатынан дьарыктанар үгүс киһи умнуллубаттык атаарда.
Саха Өрөспүүбүлүкэтин баһылыга Айсен Николаев «Саха сирэ – Дьоруойдар дойдулара» каадыр бырагыраамата салҕанан барыаҕын туһунан…
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…