Хаартыска: Елена Потоцкая.
Бу күннэргэ Өймөкөөн улууһун нэһилиэктэригэр бэйэ көҕүлээһинин бырагырааматын чэрчитинэн уопсай мунньаҕынан олоҕу-дьаһаҕы тупсарыыга туһуламмыт бырайыактары дьүүллэһэллэр.
— Сордоҥноох нэһилиэгэр быйыл кулууппутугар саҥа сүүрээни киллэрэр соруктаах светодиоднай экраны ылары былааннаатыбыт. Улуус көмөтүнэн ыһыахтыыр сирбитин сөргүтэр былааннаахпыт. “ППМИ” дэнэр олус абыраллаах бырагыраамаҕа биһиги нэһилиэкпит сыл аайы бэрт көхтөөхтүк кыттар. Ол курдук, 2018 сыллаахха сынньалаҥ пааркатын оҥорбуппут. 2020 сыллаахха дьаһалтаҕа погрузчик ылан, бары үлэни барытын онон оҥоробут. 2020 сыллаахха улууспут көмөтүнэн оскуолабытын өрөмүөннээбиппит. 2021 сыллаахха сайыҥҥы бассейммытын тупсарбыппыт. 2022 сыллаахха – баһаартан куттал суох буолуу эбийиэктэрин уонна тиэхиньикэтин тупсарбыппыт. 2023 сыллаахха – успуорт былаһааккатын өрөмүөннээбиппит. 2025 сыллаахха Улуу Кыайыы 80 сылыгар Кыайыы искибиэрин саҥардыбыппыт. Онон ППМИ-га кыттыыбыт үчүгэй түмүктээх, — диэн нэһилиэк баһылыга Альберт Вензель кэпсээтэ.
Оттон Төрүт нэһилиэгэр бэйэ көҕүлээһинин көрүҥүнэн төрүттэр элбэх гусеницалаах улахан кыамталаах тыраахтары ыларга сананнылар. Ити бастакы бырайыак. Иккистэрэ — халаан уутуттан эмсэҕэлээбит икки улахан муостаны саҥардыы. ППМИ боппуруоһунан мунньахтаан, баһаары утары балаһалары оҥорууга, эргэ дьиэлэри көтүрүүгэ туһанаары 5-6 мөлүйүөн солкуобай суумалаах тыраахтары атыылаһарга үгүс киһи санаатын этиннэ.
ППМИ үбүлээһинигэр эбии олохтоохтор харчынан кыттыһыахтара. Онтон атын сууматын быйылгыттан ыла дьаһалта салалтатын кытта олохтоохтук бииргэ үлэлэһэн эрэр “Западная” көмүс хостуур тэрилтэ уйунуохтаах. Онон бу күннэргэ төрүттэр икки бырайыактан хайатын талалларыгар хас биирдии киһи суругунан анкета толорон куоластыыр. Бу эмиэ сонун сүүрээн.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…