Бэйэҕин таптаа

Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ.

-бэйэҕин таптаа. Чаҕылхай күнү үөрэ-көтө көрүс.

-сөбүлээбэт, искэр киллэрбэт дьоҥҥун кытта алтыһа сатаама.

-успуордунан дьарыктан. Фитнес, йога, үҥкүү, уо.д.а. доруобуйаҕа олус туһалаахтар. Ол кыаллыбатаҕына дьиэҕэр сэрээккэлээ, дьарыктан, хамсан.

-интэриэһинэйдик олор. «Үлэ — дьиэ, үлэ — дьиэ» девиһинэн олорбокко, кэнсиэркэ, быыстапкаҕа, түмэлгэ, көрсүһүүлэргэ, ойуурга уо.д.а. сылдьыҥ, бириэмэҕитин уратытык атаарыҥ.

-кыраттан да үөрэргэ үөрэниҥ.

-биир сиргэ тохтоон хаалымаҥ. Иннигит диэки дьулуурдаахтык, эрэллээхтик хардыылааҥ.

-хаһан баҕарар олоҕу саҥаттан саҕалыыртан куттанымаҥ. 40, 50, 60 да сааска киһи дьолун булуон, олоҕун ыраас лиистэн саҕалыан сөп.

-кинигэни кытта доҕордоһуҥ. Кинигэ — киһи истиҥ доҕоро.

Бэйэҕэр болҕомтоҕун уур. Бэйэҕин таһыччы умнума.

Саха ыалын халандаара, 2017 с.

«Айар» («Бичик») кинигэ кыһата.