Салгыы
До выборов президента РФ
00 дней
:
00 часов
:
00 минут
:
00 секунд
«Бэйэҥ талааҥҥын кырыылаа!» (ХИФУ-га — АЛРОСА Аһаҕас аанын күннэрэ)

«Бэйэҥ талааҥҥын кырыылаа!» (ХИФУ-га — АЛРОСА Аһаҕас аанын күннэрэ)

01.12.2023, 15:02
Хаартыска: АЛРОСА пресс-сулууспата
Бөлөххө киир:

М.К.Аммосов аатынан Хотугулуу-Илиҥҥи федеральнай университекка  суолталаах түгэн буолла – манна АЛРОСА Аһаҕас аанын күннэрэ аан бастаан ыытылыннылар.  Бэйэтин инники үлэтин алмааһы хостуур хампаанньаны кытары сибээстиэн баҕарар 570 устудьуон кэлэн кэрэхсээтэ.

 «Бэйэҥ талааҥҥын кырыылаа!» тэрээһиҥҥэ   кэлбит хас биирдии  киһи бэйэтин билиитин  бэрэбиэркэлиир, өй-санаа квиһын ааһар, араас головоломкалары таайар кыахтанна. Саамай көхтөөхтөргө өйдөбүнньүк бириистэри туттардылар.

Үөрэтиэхтэрэ уонна өрө таһаарыахтара

Тэрээһин саҕаланыыгыгар  АЛРОСА бэрэстэбиитэллэрэ  мустубут дьоҥҥо хампаанньа устуоруйатын, үлэ хаамыытын, карьераны үрдэтэр кыахтары уонна  быраактыканы барар устудьуоннар туох  баһыйар уратылаахтарын кэпсээтилэр. Биллэн турар, устудьуоннар бары өрөспүүбүлүкэ улахан хампаанньатын туһунан билэллэр. Ол да буоллар, элбэх саҥаны билэн дьиктиргээтилэр. Холобур, аан дойдуга хас биирдии төрдүс алмааһы АЛРОСА хампаанньа хостуур. Хампаанньаҕа орто хамнас 160 тыһыынчаҕа, үлэһиттэр саастара ортотунан  40-ҥа тэҥнэһэр.

АЛРОСА үлэһиттэри таларга уонна сайыннарарга отделын начаалынньыга  Наталия Петухова бэлиэтээн эппитинэн, хампаанньа  Арассыыйа сүрүн үрдүк үөрэҕин кыһаларын кытары үлэлиир. Ол гынан баран, ХИФУ —  өрөспүүбүлүкэҕэ  эдэр исписэлиистэри тардарга сүрүн былаһаакка, хампаанньа сүрүн үлэтэ өрөспүүбүлүкэҕэ ыытыллар.

— Устудьуоннар аныгы производство хайдах сайдарын көрөллөрүгэр, АЛРОСА атын хампаанньалартан тугунан  уратылааҕын билэллэригэр  үчүгэй кыах баар. Биһиги билиҥҥи устудьуоннар бэйэлэрин олохторун хампаанньаны кытары сибээстиэхтэрин баҕаралларыгар,  алмаас хостонор биһиги куораттарбытыгар кэлэллэригэр уонна ситиһиилээх карьераны оҥостоллоругар эрэнэбит.

Биһиэхэ кэлбит эдэр киһи төһө да үрдүк үөрэхтээҕин иһин, кини быраактыкаҕа уопутуран, карьераны оҥосторго ирдэниллэр үктэллэри барытын ааһыан баҕарабыт.

Өскөтүн эһиги билиҥҥи салайааччыларбыт биографияларын көрдөххүтүнэ, үгүстэр оробуочай идэттэн саҕалаан, биһиги хампаанньабыт топовай позициятыгар тиийбиттэрин билиэххит. Билигин үлэ ырыынагар ордук оробуочай идэлэргэ үлэһит тиийбэтэ кистэл буолбатах. Итинник балаһыанньа хайа хостуур атын хампаанньаларга эмиэ баар: машинистар, суоппардар, хайа үлэһиттэрэ, сварщиктар, электриктэр тиийбэттэр. Биһиги сүрүннээн үрдүк таһымнаах оробуочай каадырдарга наадыйабыт, тоҕо диэтэххэ, хампаанньа оҥорон таһаарыы үлэтинэн дьарыктанар.  Үрдүк үөрэх кыһаларын кытары хардарыта бииргэ үлэлээһин эдэр киһи үөрэнэн, оробуочай идэни ылан биһиги хампаанньабытыгар  кэлэн үлэлиэн сөбүн өйдүүрүгэр көмөлөһөр.

Ону таһынан, университеттары кытары бииргэ үлэлээн, үөрэх бырагырааматыгар араас корпоративнай элэмиэннэри киллэрэбит. Биһиги исписэлиистэрбит уонна  эспиэрдэрбит  лиэксийэлэри ааҕаллар уонна сэминээрдэри ыыталлар, үлэ систиэмэтин билиһиннэрэллэр, үөрэх бырагырааматыгар суох  дьоһуннаах тиэхиньиичэскэй уонна технология үнүстүрүмүөннэрин эбии киллэрэллэр. Маннык эбии киллэриилэр устудьуоннары саҥа билиинэн байыталлар.

«Хас биирдиилэрин интэриэһиргиибит»

ХИФУ үөрэх чааһыгар проректора Алексей Голиков  АЛРОСА-ҕа тэрээһини көҕүлээн ыыппытыгар махтанна.

— Биһиги устудьуоннарбыт үлэни биэрээччилэри кытары быһаччы кэпсэтэн, кэрэхсиир ыйытыыларыгар харданы ылан, инники үлэлэрин миэстэтин быһаарыналларыгар кыаҕы биэрдигит.

Былырыыҥҥы үөрэх дьылыгар 152 устудьуон алмаастаах хампаанньа уонна хампаанньа хос тэрилтэлэрин базатыгар быраактыкаламмыта.  Аҥардаас былырыын биһиги үөрэхпит кыһатын бүтэрбит 20-тэн тахса исписэлиис АЛРОСА-ҕа үлэҕэ киирэн, билигин ситиһиилээхтик үлэлии сылдьар, -– диэн проректор кэпсээтэ.

Кырдьык, Аһаҕас аан күннэрин үөрүүлээхтик арыйыы кэнниттэн баҕалаахтар  хампаанньа араас подразделениеларын  HR-исписэлиистэриттэн сүбэ-ама ыллылар.

АЛРОСА УМТС дириэктэрин солбуйааччы -– үлэһиттэри салайар сулууспа начаалынньыга Ольга Теплюкова:

—  HR-сулууспа сүрүн соруга – устудьуоннарга биһиги бакаансыйаларбыт, кинилэри быраактыкаҕа күүтэрбит, ол кэнниттэн, улахан уопута да суохтарын иһин,  үлэҕэ ылыллыахтарын сөбүн туһунан кэпсээһин.

Устудьуоннар биһиэхэ быраактыкаҕа бүтэһик куурустарга эрэ буолбакка, бастакы куурус кэнниттэн базовай оробуочай идэлэргэ кэлэллэрэ суолталаах. Биһиги кинилэргэ хампаанньа эрэ туһунан буолбакка, биһиги сыаннастарбыт туһунан кэпсиибит. Тоҕо диэтэххэ, биир саамай социальнай хайысхалаах хампаанньанан АЛРОСА буолар.  Саха сирин устудьуоннара  өрөспүүбүлүкэҕэ хаалалларын уонна биһиги бырамыысыланнай хампаанньаларбытыгар үлэлииллэрин курдук сүрүн сыалы-соругу туруорунабыт, -– диэн  кэпсээтэ.

«Чугас дьоммут куһаҕаны сүбэлээбэттэр!»

Хайа институтун бэһис кууруһун устудьуона Александр Шилов:

— Бүгүн олус туһалаах көрсүһүү буолла. Хампаанньа, оҥорон таһаарар былаһааккалар, алмаас хампаанньатын инники кэскилин туһунан элбэҕи биллибит.

Хампаанньа олус улахан, эдэр исписэлиис бэйэтин кыаҕын билэригэр уонна карьератын үрдэтэригэр көмөлөһөр социальнай хайысхалаах, -– диэн тус санаатын үллэһиннэ.

Александр Хаҥалас улууһуттар сылдьар, хайа инженерин идэтигэр үөрэнэ киирэригэр чугас дьонноро сүбэлээбиттэр, үчүгэй исписэлиистэр  бу салааҕа үрдүктүк сыаналаналларын уонна үлэтэ суох хаалбаттарын итэҕэппиттэр. Кинилэр куһаҕаны сүбэлээбэттэр, Александр аймахтара оҥорон таһаарар үлэҕэ  үчүгэй уопуттаахтар.

Быйыл Александр  быраактыкатын АЛРОСА-ҕа барар санаалаах, ол иһин, алмаастаах хампаанньа  HR-исписэлиистэрин кытары көрсүһүү киниэхэ олус туһалаах буолла.

 

«Барытын тэҥнээн көрүллүөхтээх»

Геологическай-чинчийэр факультет бэһис кууруһун устудьуона Эрхан Потапов былырыын быраактыкатын атын хостуур тэрилтэҕэ барбыта. Онон, сөптөөх быһаарыныыны ылынар туһугар, биллэн турар, үлэ усулуобуйатын тэҥнээн көрөөрү Аһаҕас аан күннэригэр кэлбит. Эрхан дьиэ кэргэннээх, икки оҕолоох ыал аҕата.

— Дьиэ кэргэммэр бу идэҕэ  бастакы суол тэлээччибин диэн этиэххэ сөп. Мин бэйэм айанныыр, барар-кэлэр баҕа санаабын идэбин кытта ситимнииргэ быһаарынным. Холобур, ол иһин баахта ньыматынан үлэ  миэхэ сөптөөх. Учуонай үлэтинэн дьарыктанар уонна саҥа баайдаах сирдэри көрдөөн өрөспүүбүлүкэ улуустарын араас учаастактарыгар үлэлиир санаа баара. Ол гынан баран, хайдах эрэ кыаллыбатаҕа. Ол иһин, бүгүҥҥү тэрээһиҥҥэ үөрэ-көтө кытынным. HR-исписэлиистэри кытары кэпсэттим,  анкеталары толордум. АЛРОСА-ҕа махтал, эһиги өссө чугас буоллугут!

БЫҺААРЫЫ:

АЛРОСА-ҕа үлэҕэ киирэр туһунан ыйытыы өссө да баар буоллаҕына, хаһан баҕарар хампаанньа исписэлиистэрин кытары  8 800 585 5885 кэпсэтиэххитин эбэтэр hr@alrosa.ru аадырыска бэйэҕит резюмеҕытын ыытыаххытын сөп.

АЛРОСА-ҕа наадалаах бакаансыйалар уонна үлэ туһунан барыта  — VK (qr-код) «АЛРОСА-ҕа үлэ» страницаҕа.

Анастасия МОСКВИТИНА суруйуутуттан тылбаас,  АЛРОСА пресс-сулууспатын хаартыската

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -36°C
  • Ощущается: -36°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: