Хаартыска: М.Гоголева (СИА)
СИА иһитиннэрэринэн, ыам ыйын 24 күнүгэр Дьокуускай куорат аэропордугар Валерий Кузьмин аатынан болуоссакка бэйиэт, Нобелевскай бириэмийэ лауреата Иосиф Бродскайга мемориальнай дуоска үөрүүлээх быһыыга-майгыга арылынна.
Иосиф Бродскай Соҕуруу Саха сирин уонна Уус Маайа улууһугар геологическай-чинчийэр эспэдииссийэҕэ үлэлээн, Саха сиригэр иккитэ: 1959 уонна 1961 сыллардаахха кэлэ сылдьыбыта.
Мемориальнай дуосканы арыйыыны Саха сирин норуодунай бэйиэтэ Наталья Харлампьева уонна СӨ Судаарыстыбаннай Мунньаҕын (Ил Түмэн) бэрэссэдээтэлин солбуйааччы Александр Подголов көҕүлээбиттэрэ. Бырайыагы Ил Дархан Айсен Николаев, Дьокуускай куорат мэрэ Евгений Григорьев уонна аэропорт генеральнай дириэктэрэ Сергей Игнатенко өйөөбүттэрэ. Өйдөбүнньүк бэлиэ ааптара -– скульптор Николай Огонеров.
Наталья Харлампьева: «Кини манна Баратынскай туомун атыылаһан баран баһыттан атаҕар диэри аахпыта. Ол Бродскай олоҕун суолун таларыгар дьайбыта», -– диэн Дьокуускай бэйиэт биографиятыгар ураты миэстэни ыларын туһунан эттэ. Ону сэргэ 1972 сыллаахха эмиграцияламмытын да иһин, Бродскай Арассыыйаны кытта сибээһин быспатаҕын санатта.
Майя ГОГОЛЕВА
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…
СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста.…