Хаартыска: С.Адамова тиксэриитэ
Саха норуодунай бэйиэтэ Михаил Тимофеев төрөөбүт күнүгэр, кулун тутар 14 күнүгэр, кини сыдьааннара Национальнай бибилэтиэкэҕэ мусукаалынай бокс-флешканы бэлэхтээтилэр.
Манна Михаил Тимофеев литератураҕа нэһилиэстибэтэ: 182 хоһооно, 187 ырыата, моноопера, араадьыйа биэриилэрэ уонна араадьыйаҕа уһуллубут испэктээктэр киллэриллибиттэр. Композитор Герман Комраков ырыаларыгар оркестр фонограммалара таһаарыы ис хоһоонун байыталлар.
Онон, бибилэтиэкэ ааҕааччылара Саха сирин баай култууратын эрэ буолбакка, бэйиэт дириҥ философиятын, кини төрөөбүт дойдутугар тапталын уонна саха омугун үгэстэригэр бэриниитин көрдөрөр Михаил Тимофеев айымньыларын билсиэхтэрэ.
Флешка «Мин уордьаннаах өрөспүүбүлүкэ уолабын» поэматын тылбааһынан «Я сын республики» диэн ааттаммыт. 1957-58 сылларга суруллубут поэманы бэйиэт, «Социалистическая Якутия» хаһыат суруналыыһа Юрий Дель тылбаастаабыта.
Бырайыак ааптардара -– Саргылана Адамова-Алтан Кыыс уонна Айина Тимофеева.
СӨ Национальнай бибилэтиэкэтэ Михаил Тимофеев оҕолоругар уонна сиэннэригэр кэлэр көлүөнэҕэ тугунан да сыаналаммат кылааттарын киллэрбиттэрин иһин дириҥ махталын биллэрэр.
Быһаарыы:
Михаил Елисеевич Тимофеев (15.03.1932-22.01.2013) -– бэйиэт, прозаик, тылбаасчыт, СӨ норуодунай бэйиэтэ, САССР култууратын үтүөлээх үлэһитэ, П.А.Ойуунускай аатынан Судаарыстыбаннай бириэмийэ лауреата (1990 с.).
Бүлүү улууһун Модут (Бороҕон) нэһилиэгэр күн сирин көрбүт Михаил Тимофеев хоһоонноро 1957 сылтан бэчээттэнэн барбыттара. Оҕолорго анаан элбэхтик суруйара. М. Джалиль, Т. Шевченко, Токтогул, Р. Гамзатов уо.д.а. хоһооннорун сахалыы тылбаастаабыта. Бэйэтин хоһоонноро эмиэ нууччалыы уонна аан дойду норуоттарын тылыгар тылбаастаммыттара. Бэйиэт хоһоонноругар элбэх ырыа айыллыбыта. Композитор Валерий Кац кини поэматыгар саха муусукатыгар моноопераны аан бастакынан айбыта.
Кэбээйи улууһун борокуратуурата олохтоох дьахтарга тэриллибит холуобунай дьыала буруйдуур түмүгэ бигэргэннэ диэн СӨ Борокуратуурата иһитиннэрэр.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Erid: 2SDnjdhGTzX ПСБ биир кэлим счекка ханнык баҕарар социальнай төлөбүрдэри суһаллык ыларга анаан, олус…
Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат…
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариакка көспүтүҥ туһунан…