Бейсбол битатынан массыынаны алдьаппыт киһи тутулунна

Дьокуускайга   полицейскайдар массыынаны   бейсбол  битатынан алдьаппыт киһини туттулар. 

Киин куоракка полиция 3-с нүөмэрдээх полиция отделыгар кимэ биллибэт киһи массыынаны алдьаппытын туһунан сайабылыанньа киирбит. Хоромньу кээмэйэ —  27 тыһ. солкуобай.

Быһылаан тахсыбыт сиригэр полиция үлэһиттэрэ тиийэннэр  19 саастаах буруйдааҕы туппуттар.

Ол курдук уорбаланааччы Маҕанныыр суолунан айаннаан иһэн  биир массыынаны кытта харсыспыт.  Онно айдаарсан баран, бейсбол битатынан массыына лобовой өстүөкүлэтин охсубут.

Билигин эдэр киһиэхэ РФ Холуобунай колексын 167 ыст. 1 чааһынан холуобунай дьыала көбүтүлүннэ.