Хаартыска: СИА
Н.Н. Ефимов аатынан Белогорскай гимназияҕа эбии дьиэтэ 2026 сыл бүтүүтэ үлэҕэ киирэрэ былааннанар. Бу туһунан СӨ Бырабыыталыстыбатын отчуотун кэмигэр бастакы вице-премьер Дмитрий Садовников иһитиннэрдэ.
Эбийиэк өрөспүүбүлүкэҕэ инвестиционнай бырагырааманан тутуллар. Быйыл тутууу ыытарга бүддьүөккэ 140 мөлүйүөн үп-харчы көрүллүбүт.
«2,1 тыһыынча квадратнай миэтэрэ иэннээх саҥа дьиэ 176 үөрэнээччини батарар кыахтаах. Манна 70-с сыллардаахха тутуллубут эргэ дьиэҕэ үөрэнэр оҕолор көһөн киириэхтэрэ. «Ленское объединенное речное пароходство» ААУо бэдэрээтчит номнуо Белай Гораҕа тутуу болдьоҕун кэмигэр үлэҕэ киириэ диэн эрэннэрэр. Ол курдук, эһиилги сыл бүтүүтэ оҕолор саҥа, аныгы тутуу дьиэ боруогун атыллыахтара», – диэн бэлиэтээтэ Дмитрий Садовников.
Санатан эттэххэ, республикаҕа 2019-2024 сылларга социальнай инфраструктура 146 эбийиэхэ, ол иһигэр 28 оскуола уонна 26 оҕо уһуйаана үлэҕэ киирбитэ.
2025 сылга социальнай суолталаах 62 эбийиэк үлэҕэ киирэрэ былааннанар: ол иһигэр 4553 миэстэлээх 14 оскуола, 655 миэстэлээх үс оҕо уһуйаана, 772 миэстэлээх икки эбии үөрэхтээһин эбийиэктэрэ, онтон Мииринэй куоракка политехническай лиссиэй успуорт саалата.
2025 сыл балаҕан ыйын 14 күнүгэр Саха сиригэр муниципальнай быыбардар буолан аастылар. Быыбар учаастактарыгар 600-тэн…
Саха сирин сүүрүүгэ сүүмэрдэммит хамаандатын биир бастыҥ спортсмена Наталья Леонтьева 42 км Москва марафонугар сүүрэргэ…
Өрөспүүбүлүкэҕэ 2025 сыл, аҕыс ыйдааҕы түмүгүнэн, буруйу оҥоруу 9340 түбэлтэтэ бэлиэтэннэ. 14 куораттарга уонна оройуоннарга…
Балаҕан ыйын 12-14 күннэригэр өрөспүүбүлүкэҕэ 218 быыбардыыр хампаанньа ыытылынна, куоластааһын үрдүк таһымнаахтык уонна туох даҕаны…
Дьокуускайга уонна 8 улууска - Алдаҥҥа, Ленскэйгэ, Мииринэйгэ, Мэҥэ Хаҥаласка, Намҥа, Нерюнгригэ, Сунтаарга, Томпоҕо улахан…
Саха тыйаатыра саҥа сезонугар эдэр ыччакка чэпчэтиини олохтоото. Ол курдук устудьуоннар 25% чэпчэтиинэн туһанар буолуохтара.…