Белай Гораҕа сибиэһэй оҕуруот аһа тиийдэ

Бэҕэһээ, балаҕан ыйын 28 күнүгэр, Абый улууһун Белай Гора бөһүөлэгэр сибиэһэй оҕуруот астаах күүтүүлээх суудуна кэллэ диэн «Хотугу кыым» хаһыат телеграм-ханаала иһитиннэрэр.

Абый улууһун эргиэн-логистическай киинин ыскылаатыгар 25 туонна хортуоппуй, 12 туонна хаппыыста, 2,5 туонна сүбүөкүлэ, 5 туонна луук уонна 3 туонна моркуоп кэллэ.

Сотору кэминэн сибиэһэй ас-үөл киин лааппыларыгар тахсыаҕа.