Беларусь Өрөспүүбүлүкэтин хамаандата «Эргэ куораты» кытта билистэ

“Азия оҕолоро” VIII Норуоттар икки ардыларынааҕы оонньуулар чэрчилэринэн СӨ Туризм сайдыытыгар ааҕыныстыбата Дьокуускай куорат устун үс экскурсияны бэлэмнээн көрдөрөр.

Экскурсиялар Саха сирин киин куоратын историческай сирдэринэн ыытыллаллар.  Олор истэригэр, “Эргэ куорат” историческай-архитектурнай кыбаартал эмиэ баар.

Бүгүн маннык экскурсияҕа Беларусь Өрөспүүбүлүкэтин хамаандатын гимнастикаҕа күрэхтэһиилэрэ түмүктэммит бөлөх кэлэн “Эргэ куораты” кытта билистэ.

Араас дойдулартан “Азия оҕолоро” оонньуууларга кытта кэлбит эдэр спортсменнарга анал үөрэҕи ааспыт  сэртипикээттээх 20 экскурсовод үс чаас кэриҥэ бэрт интэриэһинэй билиһиннэриини оҥорор.