Ил Дархан, бырабыыталыстыба пресс-сулууспата.
Айсен Николаев Минскэйдээҕи тыраахтыр, массыына собуотун салалтатын кытта көрсүһүүтүгэр тыа хаһаайыстыбатын уонна таһаҕас тиэйэр тиэхиньикэни Саха сиригэр аҕалары элбэтэр туһунан кэпсэттэ. Ил Дархан Беларусь Өрөспүүбүлүкэтигэр оробуочай сырыытын чэрчитинэн, бу собуокка сырытта.
Айсен Николаев Беларуська оҥоһуллубут тиэхиньикэ Саха сиригэр киэҥник туһанылларын туһунан кэпсээтэ.
— Арҕааҥҥы дойдулар сааҥсыйаларыттан туоруур курдук, биһиги бииргэ үлэлиир эбээһинэстээхпит. Арассыыйа уонна Беларусь бииргэ үлэлээтэхтэринэ, ханнык баҕарар технологияны оҥорор кыахтаахтар. Беларусь тиэхиньикэтэ биһиэхэ олус наада, бу боппуруостары быһаарар кыах баар, — диэн кини эттэ.
МТЗ тыраахтардары элбэх хаһаайыстыбаларга туһаналлар. Маны тэҥэ, өрөспүүбүлүкэҕэ хаачыстыбалаах тиэхиньикэҕэ наадыйыы улаатар.
Минскэйдээҕи массыына собуотугар Ил Дархан «БелАвтоМАЗ» холдинг бородууксуйатын кытта билистэ. «МАЗ» тиэхиньикэ мааркатыгар оптуобус 15 көрүҥэ баар. Холдиҥҥа өссө самосваллары, таһаҕас тиэйэр массыыналары, о.д.а. оҥороллор.
«МАЗ» тиэхиньикэтэ суола-ииһэ суох, бадарааннаах сирдэринэн айанныыр кыахтаах. Бырыссыаптарын да олус хайгыыллар.
Ил Дархан уонна Беларусь Өрөспүүбүлүкэтин Бэрэсидьиэнэ Александр Лукашенко көрсүһүүлэригэр үрдүк технологиялаах тиэхиньикэни Саха сиригэр тиэрдэр туһунан кэпсэппиттэрэ.
Саха сирин уонна Беларусь Өрөспүүбүлүкэтин бииргэ үлэлэһиилэрин төрүөтүнэн 1997 сыллаахха илии баттаммыт Экэниэмикэҕэ уонна атыыга-эргиэҥҥэ сөбүлэһии буолар. Быйыл Сөбүлэһии 2021-2024 сс. былаана түмүктэнэр. Саха сирэ Беларуська сыаналаах металлары, ювелирнэй оҥоһуктары, маһы атыылыыр. Оттон Беларусь тыа хаһаайыстыбатын, таһаҕас таһар тиэхиньикэни, тыраахтардары, таҥаһы, миэбэли аҕалар. Саха сиригэр 8 тыһыынчаттан тахса «БЕЛАЗ», «АМКАДОР», «МТЗ», «БЕЛАРУСЬ» тиэхиньикэтэ баара биллэр.
Ил Дархан, бырабыыталыстыба пресс-сулууспата.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…