Бүгүн СӨ Бырабыыталыстыбатын 2022 сыллааҕы үлэтин отчуоттуур бөлөҕө Өлөөн улууһугар тиийэн үлэтин саҕалаата. Бөлөҕү Саха Өрөспүүбүлүкэтин култуура уонна история нэһилиэстибэтин эбийиэктэрин харыстааһыҥҥа департаменын салайааччыта Николай Афанасьевич Макаров салайар.
Улуус дьаһалтатыгар улуус тэрилтэлэрин салайааччыларын кытта «Өлөөн эбэҥки национальнай оройуона» МТ олоҕор-дьаһаҕар сыһыаннаах ханнык кыһалҕалаах боппуруостары толотторууну сүбэлэстилэр.
Н.А.Макаров киэһэ Харыйалаахха байыаннай дьайыыга ыҥырыллан ытык иэһин төлүү сылдьар байыас ийэтигэр Маргарита Прокопьевна Ивановаҕа сырытта. Маргарита Прокопьевна оҕотун Юрий туһунан долгуйан туран кэпсээтэ.
Юрий табаһыттаабыт эбит. Билигин инники кирбиигэ пулеметчик. Ийэтин кытта кыах эрэ көһүннэр, кэпсэтэн уоскутар эбит.
Ийэ барахсан хараҕынан иккис группалаах инбэлиит. Олорор дьиэтэ хаарбаҕынан көһөрүллүөхтээх. Кини улуус баһылыгар, дьаһалтатыгар махтанна. Куруук көмөлөһөллөрүн туһунан эттэ.
Ийэ оҕотун хаартыскатын оһоҕун таһыгар ыйаан турар. Этэҥҥэ эргиллэн кэлэригэр эрэнэр.
Байыас ийэтигэр Николай Афанасьевич «куорат кэһиитэ» диэн ааттаан, бэлэх туттарда, этэҥҥэ олороругар баҕарда.
Сарсын сарсыарда Өлөөн улууһугар СӨ Бырабыыталыстыбатын 2022 сыллааҕы үлэтин отчуоттуур бөлөх бөртөлүөтүнэн Ээйиккэ көтүөҕэ. Отчуоттуур бөлөҕү кытта СӨ Судаарыстыбаннай Мунньаҕын (Ил Түмэн) норуодунай дьокутаата Елена Голомарева тиийиэҕэ. Култуура киинигэр ыытыллар көрсүһүүгэ олохтоохтор түмсээри бэлэм олороллор.
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…