Бэлэхтээбит көмүһүн төттөрү былдьаабыт, эбиитин сирэйгэ охсубут

Ленскэй улууһугар  сирэйгэ охсубуттарын уонна браслетын устан ылбыттарын туһунан эмсэҕэлээбит дьахтар полицияҕа үҥсүү суруйан киллэрбит. 

Ол курдук «суола сойо илигинэ» уорбаланааччыны туппуттар. Биллибитинэн, 38 саастаах уорбаланааччы Иркутскай уобаластан төрүттээх киһи эбит. Бу эр киһи эмсэҕэлээбит дьахтары кытта кэргэннии курдук бииргэ олоро сылдьыбыттар, уопсай оҕолоохтор эбит. Эр киһи оҕотун көрсө кэлбит кэмигэр кыыһырсан турбуттар. Кыыһырсыы кэмигэр кини дьахтары сирэйгэ охсубут уонна урут бэлэхтээбит кыһыл көмүс браслетын былдьаан ылбыт. Арассыыйа Федерациятын холуобунай кодексатын 158 ыст. «Уоруу» диэнинэн холуобунай дьыала тэриллибитин туһунан ИДьМ пресс-сулууспата иһитиннэрэр.