Бэлисипиэтинэн айаннааччылар Ньурбаҕа тиийдилэр
![](https://sakha-sire.ru/wp-content/uploads/2024/07/2142f1bf-112d-4f20-9778-47356df43147-1060x596.jpg)
Бу күннэргэ бэлисипиэт успуордунан дьарыктанар Ангелина Петрова уонна Ольга Семенова ыраах Мииринэйгэ айаҥҥа туруммуттара.
Бэҕэһээ, от ыйын 15 күнүгэр, чөл олоҕу тарҕатааччылар Ньурба куоракка тиийдилэр. Кинилэри Ньурба куоратын олохтоохторо көрүстүлэр.
![](https://sakha-sire.ru/wp-content/uploads/2024/07/41f0bb21-3f0c-4d87-b0f5-f293140c793d.jpg)
![](https://sakha-sire.ru/wp-content/uploads/2024/07/6625b5cf-6e62-4e5e-9715-cffef1077dc4.jpg)
![](https://sakha-sire.ru/wp-content/uploads/2024/07/4001f194-9e4a-4559-8d94-f877905ed253.jpg)
![](https://sakha-sire.ru/wp-content/uploads/2024/07/92f44d8f-dbf2-4856-b888-c71006624d94.jpg)
![](https://sakha-sire.ru/wp-content/uploads/2024/07/20e5c0bb-25ec-4fc6-9f0c-d816b7f8d186.jpg)
Бэлисипиэтинэн айаннарын туһунан айанньыттар «ВелОСА Саха» диэн телеграм-ханаалларыгар сырдаталлар. Санаттахха, Ангелина Петрова уонна Ольга Семенова Дьокуускайтан айаннарын от ыйын 7 күнүттэн саҕалаабыттара.
Аара айаннаан иһэн, Ньурба улууһугар Маар, Үөдэй нэһилиэктэригэр тохтоон аастылар. Үөдэйгэ Варвара Петрова аатынан искибиэри көрдүлэр, нэһилиэк баһылыгын уонна олохтоохтору кытта көрүстүлэр. Мииринэйгэ диэри 386 км айанныыллара хаалла.
Бэлиэтээн эттэххэ, кыргыттар устудьуоннуур сылларыттан доҕордоһоллор. 2022 сылга Дьокуускай-Чурапчы маршрутунан бастакы уһун сырыыны оҥорбуттара биллэр.
Сообщить об опечатке
Текст, который будет отправлен нашим редакторам: