Бэлисипиэттэри уоран тутуллубут

Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар.

Холуобунай ирдэбил үлэһиттэрэ бу Мэҥэ Хаҥаластан төрүттээх 56 саастаах киһи буоларын быһаарбыттар.

Ол курдук, уорбаланааччы Маяковскай уулуссатынан ааһан иһэн элбэх кыбартыыралаах дьиэ таһыгар анал тэрилинэн хатанан турар бэлисипиэти көрбүт. Үстүрүмүөнүнэн туһанан хатанан турар тэрилин аһан, бэлисипиэти ылан барбыт. Бу киһи ылбыт бэлисипиэтин ааһан иһэр киһиэхэ 200 солк. атыылаабыт. Ити күн Лермонтов уулуссатыгар дьиэ таһыгар турар бэлисипиэти эмиэ уорбут. Уоруллубуту төттөрү ылбыттар.

РФ ХК 158 ыст. 2 ч. холуобунай дьыала («Уоруу») тэриллибит.

СӨ ИДьМ пресс-сулууспата