СИА хаартыската
Дьокуускайга бэлисипиэттэри уорбут киһи тутуллубут.
Ол курдук, малы-салы уорбут дьону булар, буруйу арыйар ИДьМ отделын үлэһиттэрэ 17 саастаах Алдантан төрүттээх, бэлисипиэттэри уорууга уорбаланааччыны туппуттар.
Уорбаланааччы түүн Лермонтов уул. элбэх кыбартыыралаах дьиэ аттынан ааһан иһэн, бэлисипиэт турарын көрбүт. Бэлисипиэт хатанан турар троһун үстүрүмүөн көмөтүнэн алдьаппыт уонна көлөнү илдьэ барбыт. Ол түүн өссө биир бэлисипиэти Ломоносов уул. дьиэ таһыгар кирилиэскэ хаалларбыттарын көрбүт. Эмиэ бастакыны хайдах ылбытын курдук гыммыт. Бу бэлисипиэттэрин биллэриинэн атыылаабыт.
РФ ХК 158 ыст. 2 ч. холуобунай дьыала («Уоруу») тэриллибит.
Полиция үлэһиттэрэ дьон-сэргэ бэлисипиэтин көрө-истэ сылдьарыгар сүбэлииллэр:
бэлэсипиэти видео устар сиригэр хаалларарга сүбэлииллэр;
түүнүн аан эрэллээхтик сабыллар, хатанар сиригэр уурар ордук буолуо диэн этэллэр;
бэлисипиэти хатыыр тэрилгэ аһара эрэнимэҥ, уоруйахтар ону үстүрүмүөнүнэн кэбэҕэстик алдьаталлар диэн сэрэтэллэр;
бэлисипиэт наадалаах чааһын бэлиэтээн кэбиһиҥ (тех.паспорын уурунуҥ, бэлисипиэккитин хаартыскаҕа түһэриҥ); эргэ, докумуона суох бэлисипиэти атыылаһымаҥ.
СӨ ИДьМ пресс-сулууспата
2025 сыл саҥатыттан Саха сиригэр баһаары сэрэтэр, биллэрэр тэрил (АДПИ) кэмигэр холбонон, 34 киһи, ол…
Суорун Омоллоон аатынан Опера уонна балет тыйаатыра туруорбут “Күлүмнүүр таас” испэктээгэ 2023-24 сс. “Кыһыл көмүс…
Бу күннэргэ композитор Владимир Ксенофонтов сүгүрүйээччилэрэ үөрүүлээх сонуну иһиттибит. РФ Бэрэсидьиэнэ В.В.Путин ыйааҕынан өр сыллаах…
Үгэс буолбут IX Арассыыйатааҕы «Забег.РФ» полумарафон ыам ыйын 24 күнүгэр Улуу Кыайыы 80 сылын чэрчитинэн…
Мэҥэ Хаҥалас улууһугар 1965 с.т. сүппүт сылгыһыты көрдөөһүн салҕанар. Эр киһи муус устар 26 күнүгэр…
Орто Халымаҕа быыһааччылар халааҥҥа барар кутталлаах сиртэн 25 киһини, ол иһигэр тоҕус оҕону быыһаатылар. Халыма…