Чэгиэн

Белькачига биэлсэр-акушер пууна баар буолла

Ааптар: Саха Сирэ

09.02.2023, 18:45

Хаартыскалар: Уус Маайа оройуоннааҕы балыыһатыттан.

Бөлөххө киир:

Уус Маайаҕа Белькачи олохтоохторо саҥа биэлсэр-акушер пуунугар сылдьыахтара.

«Доруобуйа» национальнай бырайыагынан доруобуйа харыстабылын бастакы сүһүөх звенотун саҥатытан оҥоруу иитинэн, Белькачи сэлиэнньэтэ саҥа биэлсэр-акушер пууннанна.

«Олохтоохтор наадалаах тэрилинэн хааччыллыбыт уонна саҥа миэбэллээх аныгы пууннанан үөрүүлэрэ улахан. Манна Молькиннар дьиэ кэргэн, биэссэр уонна акушерка, үлэлээбиттэрэ номнуо ахсыс сыла. Билигин, аны, дьону-сэргэни табыгастаах, тупсаҕай усулуобуйалаах саҥа дьиэҕэ көрөллөр», — диэн этэр оройуоннааҕы киин балыыһаттан Татьяна Рогожина.

Кылаабынай быраас саҥа тутуу үлэҕэ киириитин, оройуоҥҥа доруобуйа харыстабылын сайыннарыыга уочараттаах хардыы оҥоһулунна диэн этэр. Кини Ил Дархан Айсен Николаев Дьокуускайга эбэтэр ыраах кыра нэһилиэккэ олороллоруттан тутулуга суох, Саха сирин бары олохтоохторугар мэдиссиинэ сөптөөх көмөтө оҥоһуллуохтаах диэн өрөспүүбүлүкэ быраастарыгар сорук туруорбутун санатта.

Уопсайа 70 кв.м. иэннээх саҥа пууҥҥа кэтэһэн олорор сир, процедурнай, биэссэр уонна акушер хосторо бааллар. Тутуу уопсай суумата 6,5 мөл солк. тахса. Манна монтаһыгар тиийэ «Сахауниверсал» ХЭУо үлэлээбит.

Манна даҕатан эттэххэ, оройуон киинигэр, Уус Маайаҕа, үс мэндиэмэннээх балыыһа тутулла турар. Үлэни быйыл төрдүс кыбаарталга түмүктүүр былааннаахтар.

СӨ Ил Дархан уонна Бырабыыталыстыба пресс-сулууспата

Белькачига биэлсэр-акушер пууна баар буолла

Сообщить об опечатке

Текст, который будет отправлен нашим редакторам: