Мария Васильева хаартыската, СИА.
Муус устар 19-21 күннэригэр Бишкеккэ көҥүл тустууга Олимпиадаҕа квалификациялаах Азиятааҕы турнир ыытыллыаҕа. Манна Саха сирин үс тустууга кыттыаҕа.
57 киилэҕэ диэри ыйааһыҥҥа Парижка путевка иһин Айаал Белолюбскай күрэхтэһиэҕэ. Кини билигин Таджикистан аатыттан тустар. Айаал утарылаһааччыларынан Бекзат Алмаз улуу (Кыргызстан), Аман (Индия), Жу (Кытай), Ахмад Javan (Иран), Гуломжон Абдуллаев (Узбекистан), Ерасил Мухтарулу (Казахстан), Чон Сон Хан (КНДР), Сун Квон Ким (Соҕуруу Корея) уо.д.а. буолалаллар.
Мииринэй оройуонуттан төрүттээх 97 киилэҕэ диэри ыйааһыҥҥа тустар Андрей Аронов Кыргызстан аатыттан тустар. Кини Дипак (Индия), Амирали Азарпира (Иран), Араш Йошида (Япония), Ганхуях Ганбаатар (Монголия), Магомед Ибрагимов (Узбекистан), Жуван Сео (Соҕуруу Корея), Алишер Ергали (Казахстан) курдук ааттаах-суоллаах бөҕөстөрү кытта илин-кэлин түһүөҕэ.
125 киилэҕэ диэри ыйааһыҥҥа эмиэ Кыргызстан аатыттан тустар Айаал Лазарев Юсуп Батирмурзаев (Казахстан), Шамиль Шарипов (Бахрейн), Живей Денг (Кытай), Сумит (Индия), Таики Ямамото (Япония), Лхагвагерел Мунхтур (Монголия), Зиямухамед Сапаров (Туркменистан), Хасанбой Рахимов (Узбекистан) кытары тустуоҕа.
Билиҥҥи туругунан, Австралияттан тустар Георгий Окороков (Амматтан төрүттээх) уонна Беларусьтан тустар Арыйаан Тютрин (Намтан уонна Уус Алдантан төрүттээх) Парижтааҕы Олимпиадаҕа кыттар путевкалаахтар.
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…
Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…
Ахсынньы 21 күнүгэр Саха сирин Тымныытын хаһаайына Чысхаан Москваҕа "Бастакы" ханаалга Саҥа дьыллааҕы “Поле чудес”…
Нам улууһугар Фрунзе нэһилиэгэр кыраайы үөрэтээччи А.Е.Охлопкова төрүччүнү үөрэтии туһунан кэпсээтэ. Бу бэрт туһалаах тэрээһин…