Белоруссия спортсменнара «Азия оҕолоругар» кыттыахтара

«Азия оҕолоро» норуоттар икки ардыларынааҕы кэмитиэт бырабылыанньатын мунньаҕар эһиил сайын Дьокуускайга ыытыллар «Азия оҕолоругар» Белоруссия өрөспүүбүлүкэтиттэн киирбит сайаапканы көрдүлэр. Бырабылыанньа чилиэттэрэ Беларусь хамаандата оонньууларга кыттарын өйөөтө.

«Азия оҕолоро» норуоттар икки ардыларынааҕы кэмитиэтин бэрэсидьиэнэ Владимир Максимов этэринэн, кэмитиэт салалтата эдэр спортсменнар атын дойдулартан сылдьар биир саастыылаахтарын кытта күрэхтэһэллэрин өйүүр.

«Кузбасска ыытыллыбыт кыһыҥҥы иккис оонньууларга Беларусь хамаандата ситиһиилээхтик кыттыбыта. Оҕо успуорда сайдарын уонна Олимпийскай сыаннастар хамсааһыннарын өйүүр миссиялаах ыытыллар оонньуулары салайар бырабылыанньа бу киирбит этиини өйүүр. Оҕолор улахан успуорка тахсалларыгар атын дойдуларга баар биир саастыылаахтарын кытта күрэхтэһэллэригэр кыах бэриллиэхтээх», — диэн Владимир Максимов этэр.

«Азия оҕолоро» сайыҥҥы оонньуулар төрдүс төгүллээн Дьокуускайга 2024 сылга бэс ыйын 25 күнүттэн от ыйын 7 күнүгэр диэри буолуохтара. Бу оонньууларга быһа холоон 30 дойду кыттара күүтүллэр.