Бөлүүн Арассыыйа эрэгийиэннэригэр Украина 32 дронун эспиттэр

Бөлүүн Арассыыйа эрэгийиэннэригэр салгын оборуонатын күүстэрэ Украина 32 дронун эспиттэрин туһунан РФ Оборуонаҕа министиэристибэтэ иһитиннэрэр диэн ТАСС суруйар.

«Бөлүүн Москва бириэмэтинэн 23:20 чаастан 04:00 чааска диэри салгын оборуонатын күүстэрэ барыта холбоон Украина 32 пилота суох көтөр аппараатын эспиттэр — 11 дрону Волгоградскай уобаласка, сэттэни Крым Өрөспүүбүлүкэтигэр, биэһи Воронежскай уобаласка, биэһи Белгородскай уобаласка, иккини Тамбовскай уобаласка уонна өссө иккини Ростовскай уобаласка», — диэн байыаннай биэдэмистибэ иһитиннэрбит.