Хаартыска: PxHere
Сэтинньигэ уматык ырыынагар бэнсиин сыаната салгыы үрдүүрэ күүтүллэр, ол эрээри балаҕан уонна алтынньы ыйдарга тэҥнээтэххэ, быдан бытаан тэтиминэн буолуоҕа, диэн Г.В. Плеханов аатынан РЭУ экэнэмиичэскэй теория кафедратын доцена, экэниэмикэ билимин кандидата Татьяна Скрыль кэпсээтэ.
Эспиэр сабаҕалыырынан, АИ-92 мааркалаах бэнсиин биир лиитэрин орто сыаната дойду үрдүнэн 61-63 солкуобай таһымыгар, оттон АИ-95 — эрэгийиэнтэн тутулуктанан 67-70 солкуобай буолуоҕа.
«Бу сабаҕаланар тарыыптар сайыҥҥы-күһүҥҥү сыана үрдээһинин кэнниттэн ырыынакка сыыйа бигэтийэн эрэрин көрдөрөллөр», — диэн экэнэмиис быһаарар. Тэҥнээн көрөр буоллахха, бу сыл алтынньытыгар орто сыана лиитэрэҕэ 60-тан 65 солкуобайга диэри эбиллибиэт, онон сэтинньигэ үрдээһин 1-1,5 % иһинэн буолуоҕа. Оттон 2024 сыл сэтинньитигэр тэҥнээтэххэ (оччолорго бензин орто сыаната лиитэрэтигэр 59,76 солкуобайга тэҥнэһэрэ) үрдээһин быһа холоон 9-10 % буолуоҕа.
Онон, сыана үрдээһинин тэтимэ инфляция таһымыгар тэҥнэһэр. Татьяна Скрыль бэлиэтииринэн, сэтинньигэ уматык сыанатыгар дьайар сүрүн төрүөттэр систиэмэлээхтэр. Сүрүннээн иһинээҕи ырыынакка үрдүк таһымнаах биржа котировкалара буолаллар.
Саха сирин ирбэт тоҥугар археологтар уонна генетиктэр сурукка-бичиккэ кэриэтэ киирбэтэх чахчыны буллулар. Дьахтар көмүүтэ уопсастыбата…
Өлүөхүмэ улууһун Үҥкүр сэлиэнньэтин олохтооҕо Леонид Евстифеев байыаннай дьайыыга маскировочнай сиэккэни өрөргө туһаныллар хас даҕаны…
Быйыл күһүн тохсус ыҥырыылаах Судаарыстыбаннай Дуума дьокутааттарын талыахтара. Бу сырыыга Дума быыбарыгар Донбасс уонна Новороссия…
СӨ Бырамыысыланнаска уонна геологияҕа миниистирэ Максим Терещенко бүгүн, олунньу 3 күнүгэр, соцситимнэргэ быһа эпиири ыытыаҕа.…
Олунньу 2 күнүгэр, сарсыарда 07:35 чааска, Быыһыыр сулууспаҕа Амма улууһун полициятыттан иһитиннэрии киирбит. Онно этиллэринэн,…
Чугастааҕы сууккаҕа, олунньу 3 күнүгэр, Сир магнитнай дьайыыта чуумпу туруктаах буолуоҕа, буурҕа түһэрэ күүтүллүбэт. Магнитнай…