Хаартыска -- Горнай улууһун дьаһалтатын пресс-сулууспата
Горнайдааҕы «Бэрдьигэс ТВ» өрөспүүбүлүкэҕэ бастыҥ үлэлээх кэлэктиип буолан, күн бүгүн инники күөҥҥэ сылдьар айар кэлэктиип.
Бу күннэргэ «Бэрдьигэс ТВ» улуус сонуннарын көрдөрөр-иһитиннэрэр хампаанньа көрөөччү дьүүлүгэр тахсыбыта 30 сылын туолар үбүлүөйүн бэлиэтиир.
«1993 сыллаахха тэриллиэххититтэн ыла күн бүгүҥҥэ диэри таһаарыылахтык үлэлээн биир дойдулаахтаргыт биһирэбилин, киэн туттуутун ылаҕыт. Аныгы үйэҕэ тэлэбиидэнньэ баар буолан, биһиги ханнык баҕарар иһитиннэриини ылар кыахтаахпыт, сонуннары биир бастакынан көрөбүт. Эһиги үлэҕит бириэмэнэн хааччахтамматын, элбэх билиини, олоххо ураты көрүүнү, чиэһинэй буолууну ирдиирин билэбит, сыаналыыбыт.
Күннэтэ уларыйар, тэтимнээхтик сайдар, тохтоон турбат олохпут ахсым, сыыдам аттарыгар олорсон, инникигэ эрэллээх, кэнникигэ ытыктабыллаах сыыйылыннаран иһиҥ диэн сахалыы айхаллаатахпыт буоллун!», — диэн бэлиэтээтэ улуус салалтата телеграм ханаалыгар бэйэтин эҕэрдэтигэр.
Улууска ыытыллар тэрээһиннэри, сонуннары тутатына сырдатар, кэпсиир айар куттаах «Бэрдьигэс ТВ» үлэһиттэрин итиитик-истиҥник үбүлүөйдэринэн эҕэрдэлиибит!
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…