Быйыл бастакы кыбаарталга Горнай улууһун Бэрдьигэстээх сэлиэнньэтин 730-тан тахса олохтооҕо саҥа дьиэлэргэ көһүөҕэ.
Улуус киинигэр чугастааҕы кэмҥэ элбэх кыбартыыралаах дьиэ уонна саҥа олорор кыбаартал үлэҕэ киирэрэ былааннанар. Итини таһынан Күөрэлээххэ уонна Дьиикимдэҕэ икки дьиэ үлэҕэ киирээри турар.
МСО кыбаартала хаарбах дьиэттэн көһөрүү бырагырааматынан тутулунна, бу – 176 кыбартыыралаах, толору хааччыллыылаах 7 таас дьиэ. Саҥа дьиэ олохтоохторунан 36 хаарбах дьиэттэн көһөрүллэр Бэрдьигэстээх олохтоохторо буолуохтара.
«Быйыл биһиги оройуоммутугар хаарбах дьиэттэн көһөрүү бырагырааматынан уопсайа 11,5 тыһ. кв.м 1000 кэриҥэ киһини көһөрүөхпүт. Итини таһынан Бэрдьигэстээххэ 42 кыбартыыралаах, Күөрэлээххэ 18-с кыбартыыралаах, Дьиикимдэҕэ 12 кыбартыыралаах дьиэлэр үлэҕэ киириэхтэрэ», – диэн улуус баһылыга Никита Андреев кэпсиир.
Бүгүҥҥү күҥҥэ саҥа олорор кыбаартал 97 % тутуллан бэлэм, бары дьиэлэргэ ититэр систиэмэ оҥоһуллан бэрилиннэ, ис оҥоһуута эрэ хаалла. Кыбаартал олохтоохторо дьиэ толору үлэҕэ киирэрин кэтэһэллэр. Дьиэлэр үлэҕэ киириилэрин сэргэ баһаарынай резервуардардаах саҥа насоснай ыстаансыйа уонна ууну ыраастыыр ыстаансыйа үлэҕэ киириэ.
Быйыл Бэрдьигэстээх сэлиэнньэтигэр сууккаҕа 500 куб. м ыраас ууну оҥорон таһаарар ууну ыраастыыр ыстаансыйа тутуута түмүктэниэ. Бу эбийиэк ууну ыраастыыр, харайар резервуардаах, хочуолунайдаах, икки дизель электростанциялаах буолуо. Итини таһынан бырайыак быһыытынан водозабортан ууну ыраастыыр ыстаансыйаҕа уонна «38-с №-дээх кыбаарталга» диэри уу ситимэ тардыллыа. Инньэ гынан элбэх кыбартыыралаах дьиэлэр олохтоохторо ыраас уунан хааччыллыахтара.
Быйыл Бэрдьигэстээх сэлиэнньэтигэр бастакы кыбаарталга өссө 550 миэстэлээх 3 этээстээх саҥа оскуола, төрдүс кыбаарталга Бэс Күөлүгэр дойду Бэрэсидьиэнэ Владимир Путин быһа сорудаҕынан тутулла турар саҥа оскуола уонна элбэх хайысхалаах киин үлэҕэ киириэхтэрэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…