Хаартыска -- Ксения Васильева тиксэриитэ
Горнай улууһун Бэрдьигэстээх нэһилиэгин баһылыга Алексей Аргунов былырыыҥҥыттан «Баһылык Грана» тэрээһини ыытыаҕыттан ыла, олохтоохтор олус көхтөөх кыттыыны ылар буоллулар.
Бу туһунан баһылыгы солбуйааччы Ксения Васильева маннык иһитиннэрдэ:
— 2022 сыл Горнай улууһугар Экология сылынан биллэриллибит буолан, тулалыыр эйгэни харыстааһыҥҥа бырайыак үгүс этэ. Быйыл оройуоҥҥа Тупсарыы сыла биллэриллэн, нэһилиэкпитин тупсарыыга туһуламмыт үлэ хото киирдэ. Кэрэхсэбиллээҕэ баар, баһылык көҕүлээһинигэр оскуола оҕолоро, уһуйаан иитээччилэрэ уонна эбии үөрэхтээһин үлэһиттэрэ кытталлар. Быйыл 9 бырайыак киирдэ. Ааптардар анал хамыыһыйаҕа үлэлэрин көмүскээтилэр. Дьүүллүүр сүбэ састаабар нэһилиэк баһылыга, дьаһалта үлэһиттэрэ, үөрэх управлениета, ыччат ааҕыныстыбата уонна бэрэстэбиитэллээх уорган дьокутааттара бааллар. Түмүк сарсын, бэс ыйын 2 күнүгэр, биллиэҕэ.
Биһиги нэһилиэк баһылыга Алексей Аргуновы кытта кэпсэтэ сырыттыбыт.
— Граҥҥа киирсэр бырайыактарга улахан болҕомтону уурабын. Сыл аайы бу тэрээһини үгэс быһыытынан ыытарга былаанныыбыт. Бу олохтоох нэһилиэнньэни кытта үлэ, дьону уопсастыбаннай олоххо тардыы биир олус табыгастаах көрүҥ быһыытынан сыаналыыбын. Дьон бэйэлэрэ араас тэрээһини көҕүлээтэхтэринэ, өссө кынаттанан, араас хайысхалаах үлэни тэрийэргэ баһылыкка төһүү күүһүнэн буолаллар. Аны нэһилиэк дьаһалтатын исписэлиистэрэ араас бырайыагы суруйуохтара диэн эрэнэбин уонна күүтэбин. Ону кинилэртэн ирдиибин даҕаны. Оччотугар үлэбит өссө тахсыылаах уонна көдьүүстээх буолуо этэ, — диэн Алексей Григорьевич санаатын үллэһиннэ.
Бэрдьигэстээх нэһилиэгин баһылыгын үлэтэ бастыҥ уопут холобура буолан, атын улуустарга олоххо эмиэ киириэҕэ диэн эрэнэбит.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…