Бэрдьигэстээх дьоҕус пааркаланна (видео)
19.10.2023, 10:00
Хаартыскаҕа Н.Федоров түһэриитэ.
Бөлөххө киир:
Горнай улууһугар Бэрдьигэстээххэ саха биллиилээх суруйааччылара Семен уонна Софрон Даниловтарга анаммыт мини-паарка тутулунна. Бу саҥа уопсастыбаннай сир чугас олорор доруобуйаларыгар хааччаахтаах дьон уонна аҕам саастаахтар сынньаналларыгар табыгастаах гына оҥоһулунна, толору тэрилиннэ.
«База 14» хамаандата нэһилиэккэ сүрүн уопсастыбаннай миэстэлэр уонна дизайн-код ааптардарынан буолар. Кинилэр толкуйдарынан мини-паарка бырайыагар икки тиэмэ киллэрилиннэ: сурук-бичик уонна литература, ону сэргэ сардаана сибэкки.
Сардаана сибэкки быһыытыгар киэргэллэрдээх. Кэлэр өттүгэр манна мастары, талахтары олордуохтара, киин күөх зонаҕа Семен уонна Софрон Даниловтар пааматынньыктарын таһыгар сибэкки арааһын үүннэриэхтэрэ, олор ортолоругар сардаана сибэккини эмиэ былаанныыллар. Искибиэргэ кинигэ ааҕалларын таптыыр дьон кэлиэхтэрэ. Сотору кэминэн пааматынньык таһыттан суруйааччылар айымньыларын холбоон дьоҥҥо-сэргэҕэ иһитиннэрэр буолуохтара.
Мини- пааркаҕа кинигэ ааҕыахха эбэтэр дуобаттыахха, шахматтыахха сөп. Маны таһынан, хачыаллыыр сир, зарядканан, успуордунан дьарыктанар сир бааллар. Мини-пааркаҕа кэлэр суол аспаалланна, тротуар оҥоһулунна, уот-күөс баар буолла, дьон сынньанарыгар бэртээхэй ыскамыайкаларданна.
Саҥа эбийиэк олохтоох көҕүлээһини өйөөн «Уһук Илиҥҥэ 1000 тиэргэн» бырайыагынан итиэннэ «Эйгэ» өрөспүүбүлүкэҕэ архитектура уонна дизайн бириэмийэтигэр кыайбыттарынан тутулунна. Санатан эттэххэ, былырыын Бэрдьигэстээх нэһилиэгин хамаандата манна кыттан Гран- при хаһаайынынан буолбута. Гран- при хаһаайынын быһаарарга, эспиэрдэр төһө сайаапка киллэриллибитин уонна хамаанда үлэтин хаачыстыбатын сыаналаабыттара.
Хаартыска,видео: Никита Федоров
LETO Саха сиригэр куорат эйгэтин боппуруостарыгар компетенция киинэ
+1
3
+1
+1
+1
1
+1
+1
+1
Сообщить об опечатке
Текст, который будет отправлен нашим редакторам: