Бэрдьигэстээх «Эбэ» түөлбэтин олохтоохторо сынньанар сирдэрин тупсардылар

Горнай улууһун Бэрдьигэстээҕин түөлбэлэрэ түмсүүлээхтэринэн, араас үлэҕэ көхтөөхтөрүнэн биллэллэр. 

Бэс ыйын 15 күнүгэр, «Эбэ» түөлбэ көхтөөх олохтоохторо, элбэх кыбартыыралаах 38-с түөлбэ дьиэлэрин таһыгар баар сайыҥҥы сынньалаҥ сирдэрин күрүөтүн кырааскалаатылар уонна  сибэкки олортулар.

Күргүөмүнэн үлэҕэ кыттыспыттарга анаан, таһырдьа борщ буһарылынна.

Түөлбэ олохтоохторо ирэ-хоро күннээҕини сэһэргэһэ-сэһэргэһэ үлэлээбит дьон быһыытынан сибиэһэй салгыҥҥа эбиэттээтилэр.

Бу курдук биир санаанан салайтаран, түөлбэ, сэлиэнньэ тупсаҕай буоларыгар кылааттарын киллэрсибит олохтоохторго түөлбэ салалтата махталын тириэртэ.

Сиһилии «MAATTA NEWS» телеграм-ханаалга киирэн көрүҥ.