Бэрдьигэстээх күнүн көрсө субуотунньуктар буолаллар

Бу күннэргэ Бэрдьигэстээх сэлиэнньэтин күнүн көрсө киин уулуссаларынан ыраастаныы үлэтин ыыталлар.

Бэҕэһээ, атырдьах ыйын 30 күнүгэр, субуотунньукка 63 киһи кыттыыны ылла. Олохтоох дьаһалта бэйэтин телеграм-ханаалыгар  көхтөөх кыттыыны ылбыт тэрилтэлэргэ: сынньалаҥ киинин, бэтэринээрийэ сулууспатын, авиалесоохрана, «Олоҥхо кэскилэ», «Сардаана»  уонна «Крепыш» уһуйааннар,  эбии үөрэхтээһин киинин, С.П. Данилов аатынан орто оскуола, А. Осипов аатынан орто оскуола, кыраайы үөрэтэр түмэл, оҕо бибилэтиэкэтэ, ыччат ааҕыныстыбатын, нэһилиэнньэ дьарыктаах буолуутун киинин, киин бибилэтиэкэ, экология уонна муусука оскуолатын үлэһиттэригэр махталын биллэрдэ.

«Өрүү бу курдук сомоҕолоһон, нэһилиэкпит сайдыытыгар тус кылааппытын киллэрэ сылдьыаҕыҥ!» диэн ыҥырыы, биллэн турар, Бэрдьигэстээх олохтоохторун өрүү бары тэрээһиҥҥэ көҕүлүүрэ чахчы.