Бэрдьигэстээх оскуолата «Сыыппаранан үөрэх эйгэтэ» анал хостонно

Горнай улууһугар С.П.Данилов аатынан Бэрдьигэстээх орто оскуолатыгар «Сыыппаранан үөрэх эйгэтэ» үөрэнэргэ, үлэлииргэ анаан тэриллибит хос (кабинет) баар буолла.

Манна оҕолор эргиччи сайдалларыгар, бэйэлэрин кыахтарын арыйалларыгар сыал-сорук ууруллар. Анал хоско 28 ноутбук, 1 интерактивнай панель, 1 элбэх функциялаах тэрил, 30 саҥа остуол, олоппос ылыллан, бырайыак үлэтин саҕалаата.

Оскуолаҕа бырайыак олоххо киирэрин дириэктэри информатизация салаатыгар солбуйааччы Арсен Алексеев уонна кини салайар математика, информатика учууталларын холбоһуга сүрүннүүр.

Бу курдук олоҕу кытта тэҥҥэ хардыылаан, үүнэр көлүөнэбит бары өттүнэн сайдарын туһугар аныгы ирдэбиллэргэ эппиэттиир эйгэ тэриллэрэ инникигэ көҕүлүүр төһүү буолар, үөрэнэр, үлэлиир кыаҕы үксэтэр.

С.П.Данилов аатынан Бэрдьигэстээх орто оскуолатын «Кэскил» медиа- оскуолата