Бэрдьигэстээх ыччаттара ГТО нуорматын туттардылар

Улуу Кыайыы 80 сылыгар анаан Горнай улууһун  Бэрдьигэстээх ыччаттара ГТО нуорматын көрүҥнэригэр күүстэрин холоннулар.

Саас ыам ыйыгар  уонна бэс ыйыгар 260 киһи ГТО нуорматын туттарда. Сөрүүн күнү, тымныы тыалы аахсыбакка, «Чыпчаал» стадиоҥҥа сэттэ хамаанда бастыҥ ааты былдьаста. Күрэхтэһии чэрчитинэн ыччаттар күүстэрин тургутар кыахтаннылар.

ГТО нуорматын туттарыы – дойду устуоруйатыгар ытыктабылы көрдөрүү, эдэр көлүөнэни успуорка уонна чэгиэн олоххо угуйуу биир сүрүн көрүҥүнэн буолар.

Биэс көрүҥ түмүгүнэн 1-кы миэстэни АМПКиС, 2-с миэстэни — баһаарынай чаас, 3-с миэстэни ОДьКХ хамаандата ыллылар.

Бу туһунан сиһилии https://t.me/gorny_admin/18727?single сигэнэн билсиҥ.