Бэрдьигэстээххэ 12 кыбартыыралаах дьиэ умайбыт

Бэҕэһээ, олунньу 24 күнүгэр, Саха сиригэр 4 баһаар турбута регистрацияламмыт, диэн  ЫБММ пресс-сулууспата иһитиннэрэр.

Киин куоракка Ильменскай уулуссаҕа чааһынай гараас умайбыт. Ити күн сарсыарда 10:48  чааска Горнай оройуонун баһаарынай-быыһыыр сулууспатыгар Бэрдьигэстээххэ Павлов уулуссаҕа  12 кыбартыыралаах дьиэ умайбытын туһунан иһитиннэрии киирбит. Бааһар турбут миэстэтигэр баһаарынайдар аҕыйах мүнүүтэнэн тиийбиттэр. Кинилэр тиийэллэригэр тутуу иһиттэн буруо тахсара көстөр эбит. Баһаар түмүгэр биир кыбартыыраҕа 2 кв.м. иэннээх дьиэ миэбэлэ уокка быдьаммыт. Буруйдаах сирэй уонна хоромньу быһаарыллар. Уоту умуруорууга 4 киһи уонна тиэхиньикэ тардыллыбыт.

Ону кытта икки кытаанах тобохтору быраҕар дьааһыктар умайбыттар.