Горнай улууһугар Бэрдьигэстээххэ «Поделись теплом» аахсыйа алтынньы саҥатыттан саҕаламмыта. Манна күн ахсын нэһилиэк олохтоохторо — байыастар чугас дьонноро, биир дойдулаахтара бэйэлэрин баҕаларынан кэлэннэр наскы баайаллар.
Бу тэрээһин туһунан нэһилиэк баһылыгын солбуйааччы Ксения Васильева маннык кэпсиир:
—-Улууспут байыастарга көмөтө тиһиктээхтик салҕанар. Бу ый 7 күнүгэр нэһилиэктэр баһылыктара байыаннай дьайыы буола турар сиригэр-уотугар байыастарбытыгар баһыылкалары тиэрдэ барыахтаахтар. Онон сибээстээн бэйэбит өттүбүтүттэн байыастарбытын сылаас таҥаһынан хааччыйыаҕыҥ, наскыларда баайан ыытыаҕыҥ диэн нэһилиэкпит олохтооҕо Надежда Афанасьевна Иванова этиилээх киирбитэ. Онно сүбэлэһэн «Поделись теплом» аахсыйаны биллэрбиппит, социальнай пуонда «Түмэн» диэн аҕам саастаахтарбыт түмсэр хосторугар аахсыйаҕа кыттыан баҕалаахтары ыҥырбыппыт. Ол түмүгэр, бу күннэргэ сүүрбэччэ киһи кэлэн көмөлөстө, барыта уонча наскы бэлэм буолла. Нэдиэлэ бүтүөр диэри өссө эбиллиэ, — диэн кэпсиир Ксения Михайловна.
Аахсыйаҕа кытта кэлбит ыал ийэлэригэр, эбэлэригэр, кыргыттарга Надежда Афанасьевна ыйан-кэрдэн сүбэлээн биэрэр, сорохтору үөрэтэр. Оттон баайарга саптары урбаанньыттар Анна Винокурова, Зина Чемезова, бырааттыы Семеновтар уонна Куннэй Тарасова биэрбиттэр. Надежда Иванова аахсыйа тэрийэргэ этии киллэрбитин Бэрдьигэстээх нэһилиэгин дьаһалтата өйөөбүт, тэрийбит.
Манна даҕатан эттэххэ, соторутааҕыта Бэрдьигэстээххэ «Түмсүүнэн — кыайыыга» аахсыйа тэриллибитэ. Бу аахсыйаҕа дьон-сэргэ көхтөөх кыттыыны ылбыта.
Ол туһунан сиһилии https://sakha-sire.ru/berdigesteehhe-tymsyynen-kyajyyga-aahsyja-yytylynna/ киирэн ааҕыҥ.
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр араас эрэгийиэннэртэн, ону ааһан тас дойдулартан туристар бөлөҕүнэн, биирдиилээн кэлэ тураллар. Швейцарияттан кэлбит…
Бу нэдиэлэ Күрүлгэн бэлиэтиттэн Балыктар бэлиэтигэр көһөр. Ол аата харчыга сыһыаннаах боппуруостарга бастаан "саҥа сүүрээннэр",…
Бүгүн, олунньу 16 күнүгэр, өрөспүүбүлүкэ баһыйар үгүс өттүгэр кыралаан хаардыаҕа, киин, соҕуруу диэки хаар сөбүгэр…
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…