Хаартыска Ксения Васильева тиксэриитэ
Бэрдьигэстээххэ 2025 сылы түмүктүүр «Бастыҥнар түһүлгэлэрэ» тэрээһин үрдүк таһымнаахтык буолан ааста.
Үрдүктэн үрдүгү баһылааһын, сулустарга дьулуһуу туһунан аныгылыы искусственнай интеллект көмөтүнэн ураты тэрээһин буолла.
Сыл түмүгэр Бэрдьигэстээх нэһилиэгэ чахчы иннин диэки сыҕарыйара көһүннэ. Дьоро тэрээһиҥҥэ көхтөөх түөлбэлэри, сыл бастыҥнарын, спортсменнарын, сылы быһа тэрилтэлэр икки ардыларыгар ыытыллыбыт «Сэргэх сэлиэнньэ» бэстибээл кыайыылаахтарын бэлиэтээтилэр.
Нэһилиэкпит баһылыга Алексей Григорьевич Аргунов саҥа үүнэр сылы нэһилиэкпитигэр Ыччат сылынан биллэрбитэ олус долгутуулаах, үөрүүлээх түгэнинэн буолла. Кини эдэрдэр ураты көрүүлэрэ, санаалара, талааннара, дьоҕурдара, үлэлэрэ-хамнастара тыа сирэ сайдарыгар улахан суолталаах буоларыгар эрэнэрин биллэрдэ.
Инники күөҥҥэ саҥа бырайыактар, бырагыраамалар тутуллаллар. Маныаха биһиги ыччаппыт күүрээннээх үлэтинэн, барыга көхтөөх кыттыытынан, ситиһиитинэн, тобуллаҕас толкуйунан элбэҕи кыайа-хото тутуо, чаҕылхай сыл буолуоҕа диэн үөрэ-көтө, киэн тутта бэлиэтиибит.
Алина Софронеева,
Мэхээлэ Дьөгүөрэп аатынан сынньалаң киинэ,
Бэрдьигэстээх, Горнай.
Видеолар, хаартыскалар Ксения Васильева тиксэриилэрэ
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…
Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…