Хаартыска: Роман Дмитриев.
Горнай улууһугар түөлбэлэр бэрт көдьүүстээхтик үлэлииллэр.
Вероника Сергеева салайар «Эбэ» түөлбэтэ «Дороге — быть» бырайыагынан Ил Дархан уопсастыбаннай олохтоох салайыныыны өйүүр хайысхатын кыайан, 894 тыһ. 464 солк. граны ылбыта.
Бу үбү туһанан, Д. Жиркова аатынан уулусса олохтоохторо өр сылларга суол оҥоруутун туруорсубут туруорсуулара бу күннэргэ олоххо киирэн эрэр. Ол курдук, үйэтигэр оҥоһуу диэни билбэтэх уулусса сорох кэрчигэ, саас хаар уута мустан, хас да ыал суола суох хаалааччылар. Бу кыһалҕа билигин оннуттан быһаарыллан эрэр.
Суол оҥоруутун саҕалааһыныгар анаан, Бэрдьигэстээх нэһилиэгин дьаһалтата харбыл биэрбит. Бу харбыллары түөлбэ олохтоохторо — эдэрдиин-эмэнниин, оҕолор кытта тахсан, уопсайа 25 киһи мустан, субуотунньуктаан тэлгэттилэр.
Тыраахтар өҥөтүн олохтоох урбаанньыт Альберт Ноговицын оҥордо. Түөлбэ дьоно туора турбакка, биир сомоҕо буолан үлэлээтилэр.
Бу туһунан Бэрдьигэстээх сэлиэнньэтин дьаһалтатын телеграм-ханаалыгар Роман Дмитриев иһитиннэрдэ.
Биллэн турар, түөлбэ олохтоохторо «түөлбэбит сайдыыта — биһиги илиибитигэр» диэн санаанан салайтардахтара. Үтүө холобур батыһыннарыылаах буоллун!
Уус Алдан улууһун Бэрт-Ууһун нэһилиэгэр сэтинньи 23 күнүгэр "Байанай" күнүгэр анаан булчут уолаттар көҕүлээһиннэринэн быыстапкалаах,…
Ааспыттааҕы күнү-дьылы билгэлииригэр Тускул Өлөөн улууһун күнэ-дьыла Саха сирин күнүн-дьылын оҥорор диэбитэ. Ол иһин, Өлөөн…
Бүгүн, сэтинньи 25 күнүгэр, буойун-суруйааччы, бэйиэт Тимофей Егорович Сметанин төрөөбүтэ 105 сыла буолла. 2019 сыллаахха…
Аҕыйах хонуктан ыла Дьокуускай уулуссаларынан оптуобустар сырыылара уларыйан, айанньыттар бары саҥа маршруппутугар үөрэнэбит. Сыыһа-халты олорсуу,…
Госдуумаҕа кыылларга кырыктаах сыһыан иһин ыстарааптыыр туһунан сокуон барылын оҥоро сылдьаллар. Сокуон барылын көҕүлээччитэ --…
Мэҥэ Хаҥалас улууһун Сыымах нэһилиэгин Баатара оскуолатыгар тохсунньу ыйтан оҕолор салаат уонна оҕурсу үүннэрэр тэпилииссэлэрэ…