Салгыы
Бэрдьигэстээххэ — оҕо сайыҥҥы уһуйаана

Бэрдьигэстээххэ — оҕо сайыҥҥы уһуйаана

Ааптар:
20.02.2024, 17:00
Хаартыска sakha.gov.ru ылылынна
Бөлөххө киир:

Горнай улууһугар Бэрдьигэстээххэ «Сардаана» уһуйаан маннык бырайыагы толкуйдаабыт.

Бу төрөппүттэри оҕо иитиитигэр кытыннарар, хардарыта сибээстээх үлэлэһэр уонна үлэ миэстэтин тэрийэр соруктаах. Ол түмүгэр «Оҕо сайыҥҥы уһуйаана» бырайыак бэрэсидьиэн граныгар куонкуруска кыттан, кыайыыны ылары ситиспит. Бырайыак «Поддержка семьи, материнства, отцовства и детства» хайысхаҕа туһуламмыт.

Арассыыйаҕа Бэрэсидьиэн Владимир Путин биллэрбит Дьиэ кэргэн, Саха сиригэр Ил Дархан биллэрбит Оҕо сылыгар, дьиэ кэргэн сыаннастарын бөҕөргөтөргө, харыстыырга туһуламмыт бырайыак куонкуруска кыайбыта олус үөрүүлээх. Бу бырайыак биир сүрүн уратытынан, төрөппүттэргэ үлэ миэстэтин тэрийии буолар, — диэн этэр СӨ Бырабыыталыстыбатын бэрэссэдээтэлин солбуйааччы Ольга Балабкина.

Уопсайа 11 үлэ миэстэтиттэн биэһигэр төрөппүттэри ылар былааннаахтар (кастелянша, дьиэ иһин хомуйааччы, тэлгэһэни ыраастааччы, куукуна үлэһитэ). Төрөппүттэр оҕолорун тастарыгар сылдьалларын сэргэ, хамнас аахсар кыахтаналлар.

Социальнай өйөбүлүнэн элбэх оҕолоох дьиэ кэргэттэр, уустук балаһыанньаҕа түбэспит ыаллар, байыаннай дьайыы кыттыылаахтарын дьиэ кэргэттэрэ туһаналлар. Сайыҥҥы симиэнэ Бэрдьигэстээххэ «Х.К.Татаринова аатынан «Сардаана» 8 №-дээх уһуйааҥҥа — оҕону сайыннарар кииҥҥэ» үлэлиэҕэ.

-Сайын уһуйааҥҥа сылдьыы босхо буолуо. Оттон болҕомто элбэх оҕолоохторго, уустук балаһыанньаҕа түбэспит ыалларга уонна байыаннай дьайыы кыттыылаахтарын дьиэ кэргэттэригэр ууруллуо. Үлэҕэ төрөппүттэр кыттыылара, тереппүттэр лекторийдарын тэрийии, психолого-педагогическай үлэни ыытыы көрүллэр. Бырайыакка дьиэ кэргэни уонна ыччаты социальнай-психологическай өйөөһүн киинин Горнайдааҕы филиала, улуустааҕы үөрэх управлениета, улуустааҕы нэһилиэнньэ дьарыктаах буолуутун киинэ уо.д.а. кытталлар, — диэн кэпсиир бырайыагы салайааччы Мариафа Михайлова.

Маннык ньыманан «Оҕо сайыҥҥы уһуйаана» бырайыак оскуолаҕа киириэн иннинээҕи саастаах оҕолор сынньалаҥнарын эрэ тэрийиинэн муҥурдаммакка, төрөппүттэри кытары хардарыта сибээстээх үлэни тэрийэр. Итинэн төрөппүттэри оҕо иитиитигэр кытыннарар кыах бэриллэр уонна үлэнэн хааччыллаллар.

Сиһилии https://www.sakha.gov.ru/news/front/view/id/3388478   көрүөххэ сөп.

СӨ Ил Дарханын уонна бырабыыталыстыбатын пресс-сулууспата

+1
0
+1
0
+1
0
+1
0
+1
1
+1
0
+1
0
Бары сонуннар
Салгыы
15 апреля
  • -1°C
  • Ощущается: -4°Влажность: 34% Скорость ветра: 2 м/с

Сообщить об опечатке

Текст, который будет отправлен нашим редакторам: