Горнай улууһугар Бэрдьигэстээххэ Дьокуускайдааҕы тутуу-коммунальнай тиэхиньикума оҕолору оробуочай идэлэргэ үөрэтиэҕэ.
Улуустааҕы үөрэх управлениета Дьокуускайдааҕы коммунальнай тутуу тиэхиньикумун кытта оскуола үөрэнээччилэрин идэҕэ туһаайыы хайысхатыгар сөбүлэҥ түһэрсиитин чэрчитинэн бырайыак олоххо киирэр. С.П.Данилов аатынан Бэрдьигэстээх оскуолатыгар тиэхиньикум үөрэх-производственнай үлэҕэ дириэктэри солбуйааччы Евгений Попов, быраактыка уонна производственнай үөрэхтээһин отделын салайааччыта Ева Картес кэлэн билсэн, үөрэх былаанын кэпсэттилэр.
Ол түмүгэр, оскуола 10 кылааһын үөрэнээччилэриттэн сүүмэрдээн, анал үөрэх бөлөҕө тэриллиннэ. Оҕолор маннык идэлэри баһылыахтара: штукатур, тутууга кырааскалааччы (маляр), каменщик, дьиэ санитарнай-тэхиньиичэскэй ситимнэрин уонна тэриллэрин көрөр-истэр үлэһит (слесарь), облицовщик-плиточник.
Үөрэх 5-6 ый устата интэриниэтинэн ыытыллар: практическай чааһа зачет, экзамены туттарыы тиэхиньикум баазатыгар буолара быһаарылынна. Оттон 2022-2023 үөрэх дьылын түмүгэр, оҕолор оробуочай идэлэри баһылаабыттарын туһунан сибидиэтистибэлэри илиилэригэр тутуохтара.
С.П.Данилов аатынан Бэрдьигэстээх орто оскуолатын «Кэскил» медиа-оскуолата,
Горнай.
Хаартыска: тустаах оскуола тиксэриитэ
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…