Горнай улууһа уопсастыбаннай олоххо көхтөөх дьоно үгүһүнэн өрөспүүбүлүкэҕэ холобур буолар оройуон.
Ол да иһин буолуо, үлэ бары бастыҥ уопута аан бастаан бу улууска чочуллан тахсан, атыттарга тарҕанар. Уопсастыбанньыктары түмэр ураты талааннаах салаайааччы, Бэрдьигэстээх сэлиэнньэтин баһылыгын социальнай боппуруостарга солбуйааччы Ксенья Васильева муус устар 2 күнүгэр Гражданскай актыбыыс күнүн хайдах бэлиэтээбиттэрин маннык сырдатта:
— Биһиги, олоххо көхтөөх дьон бу күнү олус чугастык ылынабыт. Онон Бэрдьигэстээх нэһилиэгэр нэдиэлэ устата уопсастыба олоҕо сайдарыгар, көхтөөх дьону кытары араас тэрээһиннэри ыыттыбыт. Ол курдук, социальнай бырайыактары олоххо киллэрбит Оҕону эбии үөрэхтээһин киинигэр (ЦДО), Бэрдьигэстээх Сэмэн Данилов аатынан орто оскуолатыгар, «Кырачаан ымыылар» уһуйааҥҥа уонна «Олоҥхо умсулҕана удьурхайга» Дьячковскайдар дьиэ кэргэн түмэллэригэр сылдьан, кэмиэрчэскэйэ суох тэрилтэлэр (НКО) үлэлэрин кытта билистибит.
Көхтөөх, олоҕу көҕүлүүр дьон нэдиэлэтин арыйыы үөрүүлээх тэрээһинигэр Николай Ефремовка нэһилиэк аҕаларын сүбэтин салайарын туоһулуур дастабырыанньа туттардыбыт. Ону тэҥэ нэһилиэк бэтэрээннэрин сүбэтин бэрэссэдээтэлэ Дмитрий Агеев, түөлбэ салайааччылара: Елена Винтоняк, Туйгууна Терентьева, Любовь Мордовская, «Сарыал» КСО бэрэссэдээтэлэ Майаана Моруот Махтал суруктарынан, оттон «Үрдэл» түөлбэ салайааччыта Светлана Лю-Фа Бочуотунай кырааматанан бэлиэтэннилэр.
Ити курдук, “биэс харчыта суох” өрүү босхо, дууһаларын баҕатынан биир дойдулаахтарын олоҕо тупсарын туһугар сүүрэр-көтөр, түбүгүрэр дьону хайаан да кэмигэр бэлиэтиир олус наадалаах. Бу Гражданскай актыбыыс күнүгэр төһө элбэх олоххо көхтөөх дьон махтал тылын истибиттэрэ буолла? Кинилэр биһиги аттыбытыгар сылдьаллар эбээт.
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…