Бэрдьигэстээххэ психологтары кытары көрсүһүү тэрилиннэ

Бэрдьигэстээххэ Дьокуускайтан психологическай киин исписэлиистэрин ыҥыран ыалдьыттаттылар.

Көрсүһүүгэ Антонина Андросова, Лена Павлова, Елена Семенова, Оксана Петухова, Алена Громова кыттыыны ыллылар диэн Горнай улууһун Бэрдьигэстээх нэһилиэгин дьаһалтата суруйар. Трениҥҥэ уопсайа 17 киһи кыттыыны ылбыт, байыастар уонна кинилэр дьиэ кэргэттэрэ, барыта 27 киһи психологтары кытары көрсүһүүгэ сылдьыбыт. Түмүккэ тэрээһиҥҥэ сылдьыбыт дьон психологтарга көмөлөрүн, өйөбүллэрин иһин махтаммыттар. Маннык көрсөн олорон кэпсэтии тоҕоостоох кэмигэр ыытыллыбытын уонна наадалааҕын бэлиэтээбиттэр.

Психологтары кытары аныгыскы көрсүһүү олунньу, муус устар ыйдарга былааннаммыт.