Бэрдьигэстээхтэр «Сардаҥа» түөлбэлэрин тупсараллар

Бэҕэһээ, бэс ыйын 10 күнүгэр, Горнай улууһун Бэрдьигэстээх сэлиэнньэтин «Сардаҥа» түөлбэ олохтоохторо самаан сайын киэргэллэрин — сибэккилэри  олортулар.

Бу туһунан «Сардаҥа» түөлбэ салайааччыта Любовь Мордовская маннык сырдатта:

— Олохтоохтор үп-харчы хомуйан, арассаадалары Дьокуускай куораттан уонна Бэрдьигэстээхтэн аҕалтардылар.  Софья Васильева сибэкки арассаадатын  босхо биэрдэ, Нина Саввина икки куул кии (перегной) аҕалла. Бары күүс көмө буолбут дьоммутугар, оҕолорбутугар, актыбыыстарбытыгар  барҕа махталбытын тиэрдэбит.

Сайын устата сибэккилэргэ уу кутуутугар, көрөргө-харайарга анал киһини аныахпыт. Бука бары күүспүт- түмсүүгэ. Тапталлаах түөлбэбит «Сардаҥа»  киэркэйэ, өрүү тупса турдун!

Төрөөбүт дойдуга таптал бэйэҥ түөлбэҕиттэн саҕыллар. Онон түөлбэни тупсарыы — дойдубутугар улахан болҕомто бэлиэтэ.

Сиһилии  билсэр сигэ: https://t.me/berdadmin/5953?single