Кулун тутар 26 күнүгэр Ил Дархан Айсен Николаев өрөспүүбүлүкэҕэ бэрээдэги хааччыйыыга сүрүннүүр сэбиэт мунньаҕын ыытта.
Мунньахха VIII «Азия оҕолоро» норуоттар икки ардыларынааҕы успуорт оонньууларын кэмнэригэр Дьокуускайга уопсастыбаннай куттала суох буолууну хааччыйыы, экстремизми сэрэтэр, омуктар икки ардыларынааҕы сыһыаны сымнатыы боппуруостарын дьүүллэстилэр.
Айсен Николаев «Азия оҕолорун» кэмигэр успуорт эбийиэктэргэ эрэ буолбакка, спортсменнар түһэр, аһыыр, сынньанар сирдэригэр эмиэ куттал суох буолууну хааччыйыыга болҕомтону уурарга сорудахтаата.
— Оонньууларга хаһааҥҥытааҕар да саамай элбэх дойдуттан кыттааччы кэлэрэ бэлиэтэннэ. Онон куттала суох буолууну хааччыйыы — биһиги үлэбит инники күөнүгэр сылдьыахтаах. Оонньуулар бары эбийиэктэрин, аэропортан саҕалаан, оҕолор аһыыр сирдэригэр тиийэ, харыстыырга кэлим соруктары толоруохтаахпыт, — диэн кини эттэ.
Маны тэҥэ, Ил Дархан «Крокус Сити Холл» кииҥҥэ теракт кэнниттэн, террористическай уонна экстремистскэй кутталы сэрэтэргэ эбии миэрэлэри ылынарга соруктары туруорда.
Ил Дархан, бырабыыталыстыба дьаһалтатын пресс-сулууспата.
Нам улууһугар сааскы халаан уутуттан эмсэҕэлээбит нэһилиэнньэҕэ төлөбүрү оҥорорго анаан хоромньуну ааҕыы саҕаланна. Экология миниистирэ…
Нам улууһугар сааскы халаан содулун туоратар үлэлэр саҕаланнылар. Бүгүн, ыам ыйын 20 күнүн күнүс 12:00…
Саха сирин үгүс оройуоннарыгар оттук сезона бу нэдиэлэҕэ түмүктэниэҕэ. Онуоха оттук сезона +8С кыраадыс 5…
Хатастааҕы «Ситим» айымньы дьиэтин үлэһиттэрэ 8-с №-дээх Хатас сэлиэнньэтин баһаарынай чааһын баһаары утары сэрэтэр үлэҕэ…
Саха сиригэр оҕону 1,5 сааһыгар диэри көрөн, үлэлээбэккэ олорор 574 киһи ый аайы төлөнөр босуобуйаны…
Саха сиригэр Ил Дархан ыйааҕыгар уонна атын нуорма аахталарыгар олоҕуран, байыаннай сулууспалаахтарга – анал байыаннай…