Бэрэсидьиэн Владимир Путин Дьокуускайга кэллэ

Дойду Бэрэсидьиэнэ Владимир Путин оробуочай сырыытынан Дьокуускайга кэллэ. Кини 1-кы №-дээх сөмөлүөтэ Дьокуускай аэропуордугар түстэ. 

Бэс ыйын 18 күнүгэр дойду аҕа баһылыга Дьокуускайга «Үлэ кыбаартала» креативнай кластерга креативнай уонна ИТ-салаалар ситиһиилэрин, сайдар кэскиллэрин билсиэҕэ. Маны тэҥэ, «Земский доктор», «Земский учитель», «Муравьев-Амурский 2030» бырагыраамалар кыттааччыларын уонна Уһук Илин уокуругар үлэлиири талбыт култуура үлэһиттэрин кытта сирэй көрсөн, кэпсэтиэҕэ.

Бу кэнниттэн Ил Дархан Айсен Николаевы кытта оробуочай көрсүһүүтэ буолуоҕа.

Владимир Путин киэһэ салгыы Кэриэйэ Норуодунай-Демократическай Өрөспүүбүлүкэтигэр көтүөҕэ, сарсыныгар Вьетнамҥа тиийэр былааннаах.